Chapter 6

Almira

Isang linggo na ang nakaraan at masasabi ko na gamay ko na din ang klase ng trabaho ko kay Sir MB.

Palagi akong kasama ni Sir sa mga meetings niya at kung wala naman ay nasa opisina ako doing paper works para matulungan ko naman si Sir Gab.

Bago ako umuwi ay dumadaan ako sa ospital para tignan ang kalagayan ni Andrei. Kahit papano naman ay bumubuti na ang kalagayan niya lalo pa at naibibigay ang gamot na kailangan niya.

Naglakas loob na akong manghiram ng pera kay Chandru, ang bumbay na nagpapautang sa lugar namin. Nalaman ko kasi mula kay inay na may notice na ang ospital na kailangan naming bawasan ang bill namin dahil kung hindi, ititigil nila ang supply ng gamot ni Andrei. 

At dahil nalaman ng bumbay na sa isang matatag na kumpanya ako nagtatrabaho ay pinahiram niya ako ng fifteen thousand.

Agad akong nagbayad sa ospital at  nagtira lang ako ng konti para sa panggastos ko at para sa bayarin sa kuryente at tubig. Ang upa na lang kay Manang Siona ang pinaghahandaan ko sa oras na sumweldo ako.

Masakit para sa akin na hindi ko naaalagaan si Andrei pero sa ngayon wala naman akong pagpipilian. Kaunting sakripisyo ang kailangan at maswerte ako dahil matalino siya. Sa edad niyang tatlo, naiintindihan niya ang sitwasyon.

“Kamusta ang anak mo, Almira?” tanong ni Sir Gab sa akin habang nasa harap kami ng mga mesa namin

Mamaya pang hapon ang appointment ni Sir MB sa labas kaya naman inaayos ko ngayon ang mga schedule ni Sir sa mga susunod na araw.

“Mabuti naman po Sir. Itinuloy na po nila ang pagbibigay ng gamot dahil nakapag hulog po ako sa bill namin.” pagkukwento ko dito

“Saan ka kumuha ng pera?” usisa niya sa akin kaya napilitan akong sabihin ang totoo

“Ano? E bakit sa ganun ka nanghiram? Paniguradong may tubo yun!” sabi pa ni Sir pero nagkibit balikat na lang ako

“Sir, sa panahon naman po ngayon, wala ng magpapahiram sa akin ng walang tubo!” 

“Dapat nagsabi ka sa akin! May naitatabi naman akong pera at di ko pa naman kailangan.” napabaling ang tingin ko kay Sir Gab dahil hindi naman ako makapaniwala sa sinabi niya

Oo nga’t magkatrabaho kami pero isang linggo pa lang ako dito at nakakahiya naman kung gagawin ko yun.

“Naku sir! Nakakahiya po! Okay lang po yun. Pag nabayaran ko naman po si bumbay hindi na ako uutang!” sabi ko pa dito 

“Tsk! Hindi! Bayaran mo na yun mamaya, papahiramin kita! Para hindi na magka interes!” pamimilit pa ni Sir Gab

“Huwag na po sir!” matigas na tanggi ko dahil hindi ko talaga kayang tanggapin ang inaalok niya

Napahinga si Sir Gab ng malalim saka siya umusog palapit sa akin gamit ang swivel chair niya. Hinawakan pa niya ang kamay ko kaya naman medyo nailang ako.

“Look, kung iniisip mo na may kapalit ang ginagawa ko, nagkakamali ka. Kapatid ang turing ko sayo, Almira, lalo pa at nakikita ko na mabuti kang ina.” paliwanag pa niya sa akin

“Sir…”

“Huwag ka ng mahihiya sa akin, okay! Basta ituring mo akong kuya from now on!” hindi ko mapigilang mapaluha sa sinabi ni Sir Gab

Napatango na lang ako at narinig ko ang mahina niyang pagtawa. 

“Iyakin ka pala!” sabi nito hanggang sa makarinig kami ng tikhim kaya sabay pa kaming napalingon ni Sir Gab

Nakatayo sa harap namin ni Sir MB pero ang mata niya ay nakatingin sa magkahawak na kamay namin ni Sir Gab. Napabitaw naman agad si Sir Gab saka siya tumayo.

“May kailangan po kayo, Sir?” tanong niya habang ako ay hindi nakapagsalita dahil sa gulat.

“Wala naman! Papunta lang ako kay Martin!” sabi nito habang nakataas ang kilay sa akin

‘Patay na! Baka iba ang iniisip ni Sir sa nakita niya!’

Naglakad na si Sir pagkatapos ay agad siyang sumakay sa elevator para puntahan ang office ni Sir Martin.

Siya lang kasi ang gumagamit ng floor na ito at ang office ni Sir Martin ay nasa susunod na floor sa baba.

“Basta ha! Yung sinabi ko! Huwag ka ng tumanggi!” ulit ni Sir Gab kaya naman sa kanya uli napadako ang tingin ko

“Salamat po Sir!” sagot ko saka ko siya nginitian

Nagpatuloy na ako sa pagtatrabaho at bandang alas dos ay hinanda ko na ang mga gamit na dadalhin ko para sa paglabas namin ni Sir MB.

Pinuntahan ko na si Sir sa office niya para iremind siya sa meeting. Kumatok muna ako and when I heard his signal ay pumasok na ako sa loob.

“Sir, remind ko lang po yung three PM appointment ninyo.” magalang na sabi ko dito

“Okay!” sabi lang nito 

Hinintay ko na siya and when he went out of his office ay sumunod na ako dito matapos kong sumenyas ng pamamaalam kay Sir Gab

Nagulat ako nung sa basement ng building kami napunta. Pinatunog niya ang hawak niyang susi saka siya lumapit sa isang kotse na nakaparada doon.

He opened the driver’s seat habang ako ay dumiretso sa likod dahil tingin ko siya ang magmamaneho.

“Balak mo ba akong gawing driver mo, Almira?” sabi nito sa akin kaya napangiwi pa ako

Nahihiya naman kasi akong tumabi sa kanya sa harap eh!

Lumapit na ako sa passenger seat saka ako sumakay. He started the car engine and we drove palabas ng building ng TGC.

“Wala po ba si Tony?” lakas loob kong tanong dahil sa totoo lang, hindi ako makahinga kapag ganito kalapit sa akin si Sir MB. 

“Nagka-emergency.” maikling sagot niya sa akin kaya hindi na ako kumibo

Tahimik kaming bumiyahe hanggang sa magtanong ulit si Sir sa akin.

“What’s with you and Gab?” 

Bigla akong kinabahan sa tanong niya and I guess dahil ito sa nakita niya kanina.

“Ano pong ibig niyong sabihin?” patay-malisya kong tanong sa kanya

“You know exactly what I mean, Almira! Hindi ka na inosenteng bata para hindi ako maintindihan.” naramdaman ko ang iritadong boses ng boss ko kaya agad kong ipinaliwanag sa kanya ang lahat

“Kung iniisip niyo po na may namamagitan sa amin, wala po Sir. Nakababatang kapatid po ang turing sa akin ni Sir.” sagot ko sa kanya

“He is holding your hand!” napalakas pa ang pagkakasabi noon ni Sir MB kaya naman nanlaki ang mata ko

Bakit ba siya nagagalit?

“Eh opo sir! Naawa po kasi siya sa akin at sa anak ko!” tugon kong muli sa kanya

Nakita ko na humugot ng malalim na hininga si Sir pero hindi naman na siya nagsalita.

Nakarating kami sa susunod na appointment niya at nandoon na ang ka-meeting niya na si Mr. Helious Shawn Saavedra.

Naupo na agad si Sir habang ako ay sa isang upuan naman naupo saka ko nilabas ang notes ko.

“Bago?” tanong ng kausap niya kay Sir and I just kept my silence 

“Helious stop staring at her!” medyo inis na sabi ni Sir MB kaya naman napaangat ang mga mata ko at nakita ko na nakatitig sa akin ang ka-meeting ni Sir

“Hey! Late na ba ako?” napatingin ako sa pinaggalingan ng tinig at nakita ko ang isa pang gwapong nilalang sa harap ko.

Idagdag mo pa si Sir Helious at siyempre si Sir MB.

“Dylan Glenn Samaniego, at you service, ma’am!” yumukod pa ito habang nakatingin sa akin kaya alanganin akong ngumiti

“Stop it, Dylan! Simulan niyo na kung ano man yang pag-uusapan natin!” feeling ko tuloy may topak ngayong araw si Sir MB kasi kanina pa iritado ang boses niya

“Kuya naman, ang sungit mo! Sino ba siya?” tanong pa ni Sir Helious sa boss ko sabay tingin sa akin

“She is Almira, my secretary. And she is married!” nanlaki ang mata ko sa sinabi ni Sir

‘Ano daw?’

“Whoah! Men sayang! Ang ganda pa naman niya!” sabi nung isang nagpakilalang si Sir Dylan kay Sir Helious sabay tapik sa balikat nito

“Right! Kaya pwede ba simulan na natin ito? Pwede ba yun!” 

“Okay!” sabay pa ng sagot ng dalawa kay Sir MB kaya naman pinigilan ko na lang ang sarili ko na matawa

Pinag-usapan nila ang mga projects ng isa sa kumpanyang under ng TGC. Sa mga nabasa ko, ang BMA ay isang constuction firm na itinayo ng Daddy ni Sir MB. Hango daw ito sa pangalan ng parents niya which is Blanca and Marcus Ace.

Naka-tie up ito sa Saavedra builders, ang kumpanya ng pamilya ni Sir Dylan Glenn Saavedra. Kasosyo din nila dito ang mga Samaniego, Monteverde at mga Segovia.

Grabe lang sila no? Parang hindi uso ang magpahinga.

Nagpatuloy lang ako sa pagkuha ng notes sa mga napag-usapan nila and after that ay nag-order sila ng coffee and snacks.

Sir MB asked me kung ano ang gusto ko pero sinabi ko na coffee na lang. Napansin ko kasi na medyo tumataba ako buhat nung palagi akong kasama ni Sir sa labas.

Madalas kasi breakfast at lunch meeting ang pinuntahan namin ni Sir last week. Minsan may kasama pang meryenda at dinner pag inabot na kami ng alanganing oras.

Hindi pa ako pwedeng tumaba ng bongga dahil wala pa akong budget para makabili ng bagong damit. Marami pa akong dapat unahin.

Isa pa medyo busog pa ako dahil may baong ulam kanina si Sir Gab. Nagluto daw ang Mommy niya at madami itong pinadala. 

Sabay kaming kumain ng lunch sa cafeteria and he shared his baon. Masarap ang pagkain kaya talagang napadami ang kain ko.

“Sure ka ba na may asawa ka na?” biglang tanong ni Sir Dylan sa akin at ayoko namang mapahiya si Sir MB kaya kailangan ko siyang sangayunan

“Opo sir! May anak na din po ako!” sagot ko dito at nakita ko na medyo napangiti ang boss ko

“Sayang naman!” sabi ni Helious kaya lalong mapangiti si Sir MB

“Humanap kayo ng ibang lolokohin!” biro ni Sir sa kanila kaya napakamot pa sa ulo ang mga ito

Kung hindi ako nagkakamali ng tingin, baka mga ka-edad ko lang ang mga ito. Isa pa, Kuya ang tawag nila kay Sir so ibig sabihin mas bata sila dito.

Pagkatapos ng meeting ay nagpaalam na si Sir MB sa kanila. May pinagbilin pa siya sa mga ito bago kami umalis ng coffeeshop.

Last appointment na niya ito para sa araw na ito kaya naman akala ko ay babalik na kami sa office pero nagkamali ako dahil nagpunta kami sa isang sikat na mall sa metro.

Hindi na ako nagtanong at sumunod na lang ako kay Sir. Magsh-shopping siguro siya!