Chapter 4

Almira

Maaga akong gumising kinabukasan dahil kailangan kong maghanda para sa unang araw ko bilang assistant si Sir MB.

Hanggang ngayon nga, hindi ako makapaniwala na natanggap ako sa trabaho. Nagkaroon ako ng pagdududa at first dahil una sa lahat, hindi naman ako nakapagtapos ng pag-aaral. Pero sinubukan ko pa rin at maswerteng natanggap naman ako.

Alam na din ni Inay na natanggap ako dahil dumaan ako kahapon sa ospital para ibalita ito sa kanya. Masaya naman ang inay lalo pa nang malaman niya ang sweldo ko kada buwan.

Matapos kong magbihis at mag-ayos ay agad na akong sumakay ng jeep para makarating sa opisina. Na-brief na din ako ni Sir Gab kahapon tungkol sa mga dapat kong gawin.

Pagdating ko sa opisina ay maaga ako ng kinse minutos kaya naman ginawa ko na ang trabaho ko.

Una kong pinuntahan ang opisina ni Sir MB at binuksan ang aircon nito. Ayaw daw kasi ni Sir MB na hindi malamig ang opisina niya kapag dumarating siya.

Naghanda na din ako ng kape sa coffeemaker habang inaayos ko ang mesa niya. Nasulyapan ko ang larawan niya na nasa mesa at hindi ko maiwasang humanga sa kakisigan niya. 

Nakita ko din ang family picture nila kaya napangiti ako. Mukha kasi silang masaya sa larawan. Na-miss ko tuloy ang itay at ang ate Alicia ko. 

Napahinga na lang ako ng malalim saka ko pinagpatuloy ang trabaho habang manaka-nakang tinitignan ang larawan ni Sir MB.

“Hmmm..ang gwapo mo talaga! Kakagigil ka!” natawa na lang ako sa sinabi ko saka ako umiling 

Nang matapos na ako dito ay lumabas na ako ng opisina para i-check ang schedule ni Sir MB. Nakasulat iyon sa organizer at kasama sa trabaho ko ang ayusin iyon sa araw-araw.

Itinuro naman sa akin iyon ni Sir Gab at masaya naman siya dahil madali daw akong matuto.

Inisa-isa ko ang nakasulat sa organizer at nakita ko na medyo busy ang schedule ng amo ko ngayon.

“Ang aga ah!” bati sa akin ni Sir Gab at medyo nagulat pa ako sa kanya

“Sir naman eh!” sabi ko dito kaya natawa siya

“Almira, bawas-bawasan mo ang pagkakape! Masyado ka ng nerbyosa!” sabi pa niya sa akin

“Naayos mo na yung loob?” tanong niya sa akin and I nodded

May inilagay na din na isang mesa para sa akin kung saan ako uupo. Sasagutin ko ang mga tawag at ililista ang mga nagpapa-appointment kay Sir MB kapag nandito ako sa opisina.

Kapag lalabas kasi ang boss ko kasama daw ako at si Sir Gab ang bahala sa mga paperworks. 

“Alam mo nagtataka ako dyan kay Sir MB eh! Dati kasi ayaw niya ng assistant! Kaya nga hirap na hirap ako sa trabaho. Mabuti na lang naawa sa akin!” kwento ni Sir Gab sa akin habang binubuksan ang computer niya

“Eh mabuti nga po naawa din po sa akin!” sagot ko kay Sir Gab 

“Ha?”

“Eh kasi po nalaman po niya na wala akong permanenteng trabaho. Eh labas masok po yung anak ko sa ospital kaya kailangan ko po talaga ng trabaho!” pagk-kwento ko din sa kanya

“May anak ka na?” gulat na tanong niya kaya naman napangiwi ako

“Sir naman! Para namang kay laking kasalanan na may anak na ako!” biro ko dito kaya napailing pa si Sir Gab

“Sorry! Well, single kasi ang nakalagay sa resume mo! So mali pala ang hinala ko!” sabi pa ni Sir Gab

“Anong hinala po?” 

Lumingon pa si Sir Gab sa likod na parang tinitiyak niya na walang taong nakakarinig sa amin.

“Akala ko kasi may gusto sayo si Sir MB kaya tanggap ka agad sa trabaho. Ni hindi ka kasi dumaan sa HR. Hindi ka nag-exam! Yun naman pala naawa lang sayo!” 

Nanlaki naman ang mata ko sa sinabi ni Sir Gab.

 Si Sir MB? Magkakagusto sa akin? Parang hindi naman kapani-paniwala!

“Kayo talaga sir! Lawak ng imagination mo eh!” pang-aasar ko sa kanya kaya napangisi siya

Lumingon siya ulit pagkatapos ay bumaling sa akin. 

“Yang si Sir MB, certified babaero yan! Kaya mag-ingat ka pa rin, Almira! Friendly advice lang naman!” sabi niya sa akin kaya nagkibit-balikat na lang ako

Hindi naman siguro ako papatusin ni Sir! Diyos ko naman eh wala naman siyang makikitang maganda sa akin. Tapos may anak pa ako?

 I’m pretty sure naman mas marami dyan na handang handa na makipaglaro sa kanya. Yung ka-level niya! At malamang hindi ako yun!

Hindi naman nagtagal ay bumukas ang elevator kaya napatayo na kami ni Sir Gab. Naglakad na papasok ng opisina niya si Sir MB at grabe lang dahil ambango bango talaga niya!

“Good morning sir!” sabay na sabi namin ni Sir Gab at tumango lang ito sa amin

Sinenyasan na ako ni Sir Gab na sumunod sa boss namin kaya agad kong kinuha ang planner niya. 

Nakaupo na si Sir pagpasok ko kaya naman inuna ko ang kape niya at ang tinapay na dinaanan ko pa sa bakeshop kanina.

Grabe lang talaga ang mayayaman! Pati pagkain may schedule!

“What’s my schedule?” sabi dito matapos kong ilapag ang tray sa gilid niya

He started to drink coffee habang pinapakinggan ang schedule niya. Wala naman siyang pinabago doon kaya okay na ang schedule niya for this day. Well depende nalang kung may biglaang pagbabago.

“Get ready kasi sasama ka akin!” sabi pa nito and expected ko naman na yun since sinabi na sa akin kahapon iyon.

“Noted po Sir!” sagot ko naman dito

“May ipag-uutos pa po kayo?” tanong ko dito kaya naman napatingin siya sa akin ng sandali

Ewan ko pero bigla yatang nagrigudon ang puso ko sa pagdantay ng mga mata niya sa akin.

Sasagot na sana siya pero bigla naman bumukas ang pinto kaya medyo nagulat pa ako.

“Kuya, Good morning!” sabi ng isang tinig at ng lingunin ko ito ay nakita ko ang isang lalake na kahawig ni Sir MB

Napatingin din ito sa akin kaya naman ngumiti ako dito at nagbigay galang.

“Good morning Sir!” 

“Hey beautiful! Good morning! Ako nga pala si Martin Ralph Thompson! Ang COO ng TGC!” sagot naman nito sa akin 

“Pleasure to meet you sir! Gusto niyo po ng coffee?” magalang na sabi ko naman dito 

“No thanks..” tinitigan pa niya ang ID ko at binasa ang pangalan ko

“Almira! Nice meeting you!” sabi niya pa sa akin

“You may go!” sabi naman ni Sir MB while looking at me with his stern face kaya naman lumabas na ako sa opisina niya

Grabe ang gwapo din ni Sir Martin! Pero syempre mas gwapo pa rin si Sir MB! 

Tinignan ko ang relong pambisig ko at malapit na ang meeting ni Sir MB. Naghanda na ako dahil sasama ako sa kanya para kumuha ng minutes. 

Bumukas naman ang pinto at magkasunod na lumabas ang dalawang gwapong nilalang! Nakangiti si sir Martin habang seryoso naman ang mukha ng boss ko.

Tumayo na ako at binitbit ang bag ko pati na ang bag na naglalaman ng mga gamit ni Sir. Inayos ko na ito kanina dahil mahirap ng may maiwanan! 

“Let’s go Almira!” sabi niya kahit pa nakatayo naman na ako sa likod niya

Nag-thumbs up naman si Sir Gab sa akin kaya nginitian ko ang pag-cheer niya sa akin.

Dumeretso ang dalawa sa elevator at sumunod naman ako agad. Pinauna ako ni Sir MB kaya naman nasa harapan ko ang magkapatid. Agad pinindot ni Sir ang lobby habang kausap niya ang kapatid niya.

“Ayusin mo ang tungkol sa problema ng Bella Dolcezza. Hindi ko na mahaharap yan since madami na akong ginagawa!”

“Okay kuya, ako na ang bahala!” sagot naman ni Sir Martin sa kuya niya. 

Ilang negosyo ba meron ang pamilya nila at nahihirapan yatang pagkasyahin ni Sir MB ang oras niya?

Pagdating namin sa lobby ay naglakad na si Sir. Sa haba ng bitis niya ay kailangan kong bilisan ang lakad para hindi ako mahuli. Nagmamadali ba siya? Maaga pa naman para sa meeting niya.

Nakita ko na may kotseng huminto sa harap ng building at bumaba mula doon ang lalaking naka-uniporme ng kulay asul. 

Binuksan nito ang back seat at agad sumakay doon si Sir MB. Sa harap na ako sumakay dahil syempre alangan namang tumabi ako sa boss ko.

“Almira, siya si Tony, driver siya sa TGC. Tony this is Almira ang assistant ko!” pakilala sa amin ni Sir MB at agad naman akong ngumiti kay Tony

“Magandang araw!” 

Tango lang at isang ngiti ang isinagot niya sa akin saka itinuloy ang pagmamaneho.

“Sabihin mo sa kanya kung saan tayo pupunta Almira!” medyo malakas ang boses ni Sir kaya naman medyo napitlag pa ako

“Sorry po Sir! Ah Tony sa Hernandez golf club tayo!” sabi ko dito 

Medyo natakot ako sa pagsigaw ni Sir pero pinili kong kumalma. 

First day! One point! 

Hay sana hindi na madagdagan! Mukhang nakakatakot pa namang magalit si sir MB.

Kay gwapo-gwapo pero napakamahal ng ngiti! Bad mood ba lagi ang nanay niya noong pinagbubuntis siya?

Pagdating namin sa golf course ay dumeretso kami sa isang coffeeshop na nandito. 

Nilapitan namin ang isang grupo ng mga kalalakihan na siguro ay halos ka-edad lang ni Sir o mas matanda sa kanya ng konti. Apat sila sa mesa at mukhang hinihintay nila ang pagdating ni Sir MB.

“Kanina pa kayo?” tanong niya sa mga ito saka siya naupo 

Humila na din ako ng upuan at naupo ako likod niya.

“Hindi naman! Kakatapos lang naman naming maglaro!” sabi ng isang kausap ni Sir MB

“Nagdadala ka na ng secretary, Bro?” tanong naman ng isa pa at nagkunwari na lang akong busy sa likod niya

“Why? What’s wrong with that?” tanong naman ni Sir sa mga kausap niya

Narinig ko ang mahinang pagtawa ng mga ito kaya naman napaangat ang mata ko sa kanila.

“Secretary ba yan o…”

“Stop it, Jake! Simulan na natin ito kasi may next appointment pa ako!” Putol ni Sir sa gusto sanang sabihin nung isang lalake

Nagsimula na silang mag-usap at base sa topic nila, may highschool reunion ang batch nila.

“Kung ano na lang ang majority, count me in! Just e-mail me the details.” sabi pa nito

“Okay bro! Basta yung venue at yung food sayo na yun! Ano naman ang silbi ng hotels niyo right?!” komento naman ng isa

“No problem with that, Lee! Basta give me the details at kung saan sa mga hotel namin ang prefer ng batch natin.”

“Then it’s settled!” sabi nung tinawag niyang Jake

Nag-usap pa sila hanggang sa umalis na kami sa lugar na iyon. Ewan ko lang pero kasi naiilang ako sa tingin ng mga kaklase ni Sir MB kaya mabuti na lang natapos agad ang meeting.