Chapter 49

Era’s POV

Maingat na inilapag ko muna ang pugad na may itlog ng ibon sa ibabaw ng aking kama katabi ang pung-pung ng bulaklak. Naligo muna ako at nagbihis bago ako bumaba sa kusina habang hawak sa dalawa kong mga kamay ang pugad kasama ang bulaklak.

Muli ay nakita ko ang tatlong pinagkakaguluhan ang hawak na cellphone ni Kuya Renz.

“Good morning!” bati ko sa kanila upang kunin ang kanilang atensyon.

“Ahay! Good morning ma’am!” Heto na naman yung weird nilang mga kilos. Nagdududa na talaga ako sa tatlong ito.

“Kayo ba’y may tinatago sa akin, ha?” tanong ko sa kanila.

“Wala!” sabay-sabay nilang sagot. Isa-isa ko silang pinakatitigan ngunit umiiwas itong makasalubong ang mga mata ko. Nang tingnan ko si Ate Luz ay kay bilis nitong tinaas ang isang kamay at sinipat-sipat ang kuku.

“Ang dumi na pala ng kuku need ko ng magpa-manicure,” biglang saad nito. Nang ilipat ko ang tingin kay Kuya Renz ay napatingala naman ito sa kisame.

“Pati yung kisame, kailangan na rin linisin,” saad naman