Chapter 27

Chapter 27

“Ngayon lang kita nakita, ah?” ani Carl. “Paano mo nakilala si Sam?” Bahagyang lumapit sa kaniya si Carl upang marinig niya dahil sa sobrang ingay ng mga bisita ni Sam.

“Ah… magkaklase kami. Transferee kasi ako kaya ngayon mo lang ako nakita.” Muli siyang kumuha ng inumin at tinungga ‘yon. Kailangan niyang gawing pagkakataon ito para mapalapit sa lalaki.

Tumango si Carl. “I see. ‘Buti naman at nakasama ka ngayon? Hindi ba strict ang parents mo?”

“Hindi naman. Basta hatid-sundo ako ng driver namin at alam nila kung saan ako pupunta.”

“Iba talaga kapag rich kid. May driver.”

Mahinang natawa si Stephanie. “Marunong akong mag-commute.”

“Wala akong sinasabi, ah?” natatawang sambit nito.

Napairap na lang si Stephanie. “Hindi ako gaya ng mga napapanood niyo sa TV na spoiled. Hindi rin ganoon ka-strict ang parents ko kahit dati pa.”

“I heard home-schooled ka. Anong pakiramdam?”

“Paano mo nalaman?”

Nagkibit-balikat ito. “Sam told me.”

“Pinag-uusapan niyo ‘ko?” Pinaningkitan niya ito