Chapter 25

Napapikit si Stephanie nang kumirot ang sentido niya. Pagtingin niya sa orasan ay halos mag-aalas dose na ng madaling araw. Nang mapatingin kay Wyeth ay mukhang tapos na rin ito sa ginagawa kaya naman pinauwi na niya ito upang ipagpatuloy bukas ang ginagawa.

“It’s getting late,” ani Stephanie. “Maaga pa tayo bukas.”

Nag-inat si Wyeth nang makatayo. “May event nga pala bukas ang school. Kailangan kami nang maaga sa gymnasium.”

“Good luck with that.”

Napabuntonghininga si Wyeth. “Minsan gusto ko na lang din maging estudyante ulit.”

Natawa si Stephanie. “Kasalanan mo dahil hindi ka baby face.”

Napataas ang kilay nito. “Sorry. Mature lang kasi akong tingnan.”

Nagkibit-balikat siya. “Sabi mo.”

Naghanda na si Stephanie para magpunta sa Impero Bar. It’s only twelve in the morning. Hindi siya sigurado kung nandoon pa ba si Avaluan, pero gusto niyang surpresahin ito. Isang araw lang silang hindi nagkita ay hindi na siya mapakali.

“Ready to pick up your princess?” pang-aasar ni Wyeth.

“Yeah. Ho