CHAPTER 1

Summer 2009

Nadatnan niya ang mga magulang sa komedor na nag-aagahan kasama ang bunso niyang kapatid.

"Anak, mabuti naman at gising ka na." Salubong ng ina niya nang makita siya nito.

"Morning Ma, Morning Pa." Humalik siya sa pisngi ng mga ito. Ginulo niya ang buhok ng bunso niyang kapatid sabay upo sa tabi nito.

"Kumain kana, Olivia. Bakit ba palagi ka na lang lumalabas sa gabi? Hindi ka ba nagsasawang mag party?" ani ng Mama niya.

"Ma, di ba sabi ko mag-enjoy muna ako bago ako mag trabaho?" sabi niya.

Kakatapos palang niya ng college last month. Gusto sana ng Papa niya na pumasok na siya sa kompanya nila para masimulan na ng Papa niya ang pagtuturo sa kanya. She took up Business Administration major in Marketing Management. Her parents choose that profession na hindi naman niya gusto. Pangarap niyang maging Interior Designer or Architect pero hindi sinang-ayunan ng mga magulang niya. After her graduation in High School, napag desisyonan ng mga magulang nila na lumipat at tumira dito sa Manila for good. They left Cebu one month after her graduation. Nagtayo ng negosyong Advertising Agency ang Papa nila habang ang Mama naman nila ay nagpatuloy sa pagtuturo sa isang public school. Fortunately, nagtagumpay naman ang Papa niya sa negosyong itinayo nito kaya hindi sila gaanong nahirapan. Bata pa naman ang Papa niya pero sinisiguro nito na mas mabuting matutunan niya ang pasikot sikot sa negosyo nila habang bata pa siya para makatulong na rin sa mga kapatid niya na nag-aaral pa.

Third year college na sa susunod na pasukan si May, ang sumunod sa kanya samantalang mag first year college naman si Ford, ang pangatlo sa kanilang magkakapatid. Ang dalawa niyang kapatid na sina Gella at Rios ay pawang nasa High School at ang bunso nila na si Rob ay nasa elementary pa lang.

After four years of running their business, nakikita niyang mas lalong lumalago ang negosyo nila patunay na kahit palaging pagod ang Papa nila masaya naman ito habang nagku-kuwento sa Mama nila.

"Siguro naman wala ka nang lakad mamayang gabi, anak?" sabi ng Papa niya

Napahinto siya sa pagsubo nang magsalita ang Papa niya.

"Wala naman, Papa." Nagsimula na siyang kumain ng hindi na nagsalita ang Papa niya. Mabait ang Papa niya pero nakakatakot rin kung magalit. Sobrang istrikto noong nag-aaral palang siya. Ngayon lang medyo lumuwag luwag nang mka-graduate siya sa college.

"May bisita tayo mamaya. Darating ang matalik kong kaibigan kasama ang pamilya niya. Dito sila mag di-dinner, kaya dapat kompleto tayo mamaya," sabi ng Papa niya sabay tayo. "Sumunod ka sa study room pagkatapos mong kumain, Olivia."

Tango lang ang naisagot niya sa kanyang Papa. Ninerbyos siya bigla dahil sa tono nito. Iniisip niya kung may nagawa ba siyang malaking kasalanan. Pero parang wala naman. Sunod sunod ang naging pagsubo niya para makasunod agad sa Papa niya.

Minutes later, nakaupo na siya sa harap ng working table ng Papa niya. May pinipirmahang papeles ito kaya hindi na muna siya kumibo.

"You'll be 20 this year, di ba hija?" basag nito sa katahimikan.

"Yes, Papa. Bakit po?" aniya.

"Hindi na ako magpaligoy ligoy pa, anak. Alam kong hindi mo magugustuhan ang pag-uusapan nation, pero I want you to know that this is for you." Mataman siyang tiningnan ng Papa niya. Mas lalo tuloy siyang kinabahan.

"Spill it, Pa!" aniyang hindi pinapahalata ang nararamdaman.

Huminga ng malalim ang Papa niya bago ito nagsalita.

"My best friend and I had an agreement when we were still young. Para ko na siyang kapatid. Kahit alam naming kalabisan ang manghimasok sa desisyon ng mga anak namin, itutuloy pa rin namin ang napagkasunduan." Tumigil muna ang Papa niya at inaarok ang saloobin niya. Kapagkuwa'y, "You're destined to be married, hija. Sa anak ng matalik kong kaibigan."

Wtf? Ano raw?!

"Pardon?" aniyang hindi makapaniwala. Tama ba ang narinig niya?

"Yes, Olivia. It's an arranged marriage, but I assure you hindi ka magsisisi. You'll meet him tonight, sa dinner natin. He belongs to a well-known and respected family in Cebu and even here, in Manila. My business sila all over the world - - -"

"W-wait, Pa. Naririnig n'yo ho ba ang sinasabi n'yo? W-why? It's 2009, Papa! Hindi na uso ang arranged marriage ngayon. I am still young at wala akong pakialam kung kasing yaman man niya si Prince Charles." Napatayo na siya sa kinauupuan. Frustration is written all over her face. Hindi niya gusto ang ideya na ipinagkasundo siya sa isang lalaki na hindi niya kilala. Ni hindi pa niya nakikita.

"Kilala ko ang pamilya ng lalaking mapapangasawa mo, anak. You'll be in good hands, hija. Hindi ka namin ipapahamak ng Mama mo," sabi ng Papa niya.

"Kahit na po. Hindi ko mahal ang lalaking 'yon, Papa. Of all people, I know you believe in love pero bakit ganito?" himutok niya. Halos magpapadyak na siya. Halo-halong emosyon ang nararamdaman niya ngayon. She knew her father very much. Wala itong hindi ginusto na hindi nakukuha. At alam niya kung kanino siya nagmana sa katigasan ng ulo.

"Matututunan mo rin siyang mahalin, Olivia. Bago kayo ikasal, I'm sure mahal mo na siya," sabi ng ama niya.

"Papa, hindi nadidiktahan ang puso kusa mo itong mararamdaman. Paano kayo nakakasiguro na mamahalin ko agad ang taong yun?" Napasabunot siya sa sariling buhok.

"Why don't you face him tonight? We'll see kung ano ang mangyayari, hija."

Her father's smiling mischievously.

Naloko na. Nasapo niya ang noo.

Napapikit siya sa inis. Walang mangyayari kung makikipagdiskusyon pa siya sa ama niya. Mukhang desidido na ito sa binabalak nito.

'Good God! Please help me,' piping panalangin niya.

Nakadapa siya sa kama ng may kumatok sa kwarto niya. "Pasok, bukas yan!"

"Olivia?"

Hindi niya namalayang nakalapit na pala ang Mama niya. Hinahaplos ng Mama niya ang likod niya.

"Huwag kang magalit sa Papa mo. Ginagawa lang niya ito kasi alam niyang makakabuti sa iyo."

Tumihaya siya sa pagkakahiga.

"Never in my wildest dream na mangyayari ito sa akin, Ma. I've been a very good daughter ever since. Bakit ngayon pakiramdam ko, isa akong sakit ng ulo sa inyo?"

Hindi na niya napigilang umiyak. Masama talaga ang loob niya sa Papa niya. Imagine, ipapakasal siya sa kung sinong poncio pilatong 'yon. Nakalaan na ang puso niya sa taong matagal na niyang hinahanap. Kanina habang nagsasalita ang Papa niya, iisang tao lang ang naiisip niya.

'Hindi talaga maaari. Siya lang talaga ang gusto kong maging asawa, makasama habambuhay.'

"Magbabago pa naman siguro ang isip ng Papa mo. Huwag mo munang dibdibin, anak. Remember, magkikita pa lang kayo mamaya. Malay mo may makita ang Papa mo na hindi niya magustuhan," Kinindatan siya ng Mama niya. Malabong magbago pa ang isip ng Papa niya. Matalik na kaibigan ng Papa niya ang pamilya ng lalaking 'yon.

"O, siya sige. Huwag ka nang magmukmok diyan. May aasikasuhin lang ako sa ibaba." Paalam ng Mama niya. Hindi siya kumilos hanggang sa makalabas ang Mama niya. Napukaw ang pagmunimuni niya nang tumunog ang notification ng F******k account niya. Kahapon pa niya hindi nabubuksan ang F******k niya.

One new friend request ang nakalagay sa notification niya.

JA Estevez ang name ng nag sent ng friend request sa kanya. Hindi sana niya bubuksan ang profile nito pero na intriga siya sa profile picture nito. She hates people who has tattoos anywhere in their body. Narurumihan siyang tingnan but this one is an exemption. Looks like a tribal tattoo in the upper right side at the back of his shoulder. Obvious na lalaki ang may ari dahil sa nag-uumpugang mga muscles sa likod nito. Very hot! Mas lalo pa siyang na intriga. Hindi naman siya bastos pero she admired men with sexy body, lots of abs & oozing with sex appeal. Hindi naman mataas ang standard niya sa lalaki pero hindi na siya na a attract sa opposite sex magmula nang makita niya ang lalaki way way back in 2004. Ini-scroll niya ang timeline nang nakikipagkaibigan sa kanya. Wala siyang makita ni isang mukha ng may ari ng account, puro beautiful spots lang. Maliban sa profile picture nito, wala ng ibang picture doon. Nature lover obviously. Hindi niya ugali ang mag-accept ng kung kani-kaninong request sa f******k lalo na kung hindi niya kilala. As usual she ignored that request.

Nagulat siya nang biglang nag message si Macon sa kanya.

'Bruha! Don't forget next week. Hihintayin ko kayo ni Megan dito.'

Napangiti siya sa text nito.

'Yes Bru nka prepared na kaya. Handa na bagahe namin. Wag kalimutan ang tsibog diyan.'

'Nothing's change, matakaw ka pa rin,' sagot agad nito na ikinatawa niya. Nakalimutan niya bigla ang problemang kinakaharap niya.

'I have a surprise for you. Siguradong matutuwa ka. 😉'

Na excite tuloy siya bigla. Hindi na niya ito tatanungin. Siguradong bibitinin lang siya nito. Knowing her best friend.

'Looking forward to that surprise of yours. Dapat mapapanganga aq dyan ha,' sagot niya dito.

'Iiyak kapa Bru. Hahaha.'

Ngumiti siya at hindi na nag reply dito.

Inilapag niya ang cellphone sa kama. Binuksan niya ang drawer kung saan nakalagay ang diary niya noong High School pa lamang siya. Tumigil siya sa pagsusulat ng diary noong college na siya. Ewan, pero parang tinamad na siya sa pagre-report kay diary. (Haha!)

July 2004...

Nagulat siya ng may bumatok sa kanya. Paglingon niya, nakita niya si Megan at Macon na nakangisi sa kanya.

"Nakakainis kayo. Batukan ba naman," himutok niya.

"Well, siguradong makakakita ka ng fireworks diyan sa imagination mo!" tumatawang saad ni Macon sa kanya.

"Elaborate please. Ayoko nang binibitin. Masasabunutan ko kayo," nahawa na rin siya sa tawa ng dalawa.

"Nakuha ko na ang matagal mo nang minimithi."

Biglang sumeryoso ang mukha ni Macon. Kinabahan siya bigla. Noong nagsimula ang klase nila, napansin ng dalawa na may nagbago sa kanya. Hindi na siya ang dating masayahin. Ngumingiti siya pero hindi umaabot sa mga mata niya. Kaya tinanong siya ni Macon at Megan. Wala na siyang choice kundi ang mag open up sa dalawa.

Kinuwento niya sa dalawa ang namagitan sa kanila ng lalaking 'yon. Namagitang titigan. Sa una, pinagtawanan siya ng dalawa. Sino ba naman kasi ang hindi tatawa? Wala namang nangyaring kakaiba maliban sa tinginan nila ng lalaking 'yon. Pero nakita ng mga kaibigan niya ang epekto nang pangyayaring 'yon. Hindi big deal sa dalawa ang nangyari, pero para sa kanya malaking kahungkagan ang naramdaman niya pagkatapos nang bakasyon nilang 'yon.

Good thing na sinabi niya sa mga kaibigan niya ang nangyari. At mabuti na rin dahil nalaman niyang kaibigan ni Macon ang isa sa tatlong kasakasama ng lalaking nagustuhan niya nang mga panahong iyon. Nangako si Macon na hihingin ang pangalan at number ng lalaking nakapukaw sa interes niya.

Bumalik siya sa kasalukuyan ng may inilapag na puting papel sa armrest ng inuupuan niya. Dinampot niya ang papel at tinanong si Macon.

"Ito na ba 'yon?"

"Iyan na nga friend," malaki ang tawa ni Macon na umakbay kay Megan. Hindi rin mapuknat ang ngiti ng huli.

Napatawa siya bigla. Pakiramdam niya, nagliwanag bigla ang mundo niya. She reads what's written in the paper.

'Nike Jose Ocampo..

0905*******'