Chapter 4

Kaya pinapunta ang Tita Linda ni Eliza sa taas kung saan si Alexander na nasa opisina nito habang siya ay naiwan sa sala para ibigay ang perang kailangan niya. Hindi 'yon utang o ano pa kundi 'yon ay kabayaran. Ang perang binigay sa kanya ay kabayaran sa pagbenta niya kay Eliza na pamangkin niya sa bilyonaryo na si Alexander sa tulong ni Nico na kakilala niya.

Binenta nga ni Linda ang kanyang pamangkin na si Eliza sapagkat kailangan talaga nila ng pera para sa operasyon ng asawa niya. Wala siyang ibang maisip na paraan para magkaroon ng pera para sa ibabayad sa operasyon ng asawa niya kaya 'yon ang naisip niya. Si Eliza naman ang sinisisi niya sa lahat ng nangyaring 'yon kaya nararapat lang na gawin niya 'yon para sa asawa niya.

Kung aasa siya sa tulong na sinasabi nito sa kanya ay alam naman niya na hindi 'yon mangyayari. Malaking halaga ng pera ang kailangan nila. Saan naman kukuha ng pera ang pamangkin niya na si Eliza? Kahit umutang ito o magtrabaho ay kulang pa rin kaya 'yon ang ginawa niya na ibenta na lang ito.

Naisip pa niya na 'yon na lang ang gawin na tulong nito sa kanila lalo na sa Tito Arthur niya na asawa niya. Ibinenta niya si Eliza kay Alexander na isang bilyonaryo para magkaroon ng malaking halaga ng pera para ma-operahan ang asawa niya ay maisalba ito sa hindi magandang mangyayari kung hindi kaagad ito ma-operahan.

Kinuha kaagad niya ang perang binigay sa kanya ni Alexander. Naluluha siya sa tuwa matapos niyang mahawakan ang perang kailangan niya para sa operasyon ng asawa niya.

"Maraming salamat po sa 'yo, Sir Alexander..." naluluha na pasalamat nga niya kay Alexander na nakaupo sa swivel chair nito. He has his own office inside his mansion.

Hindi lang guwapo si Alexander. He's hot too. Matangkad siya at talaga namang pantasya ng mga kababaehan. Isa siyang bilyonaryo at may-ari ng iba't ibang kompanya sa bansa. Hindi lang sa buong bansa siya may pag-aari na mga kompanya pati sa mga bansa dito sa southeast Asia. Hindi lang siya mayaman o bilyonaryo. Isa rin siya sa mga maipluwensiya na tao sa bansa.

Patay na ang mga magulang niya. May isa siyang kapatid na nasa America nakatira. Ito ang bunso. Siya ang panganay.

"Walang anuman 'yon," sabi ni Alexander kay Linda. "Kulang pa ba ang bayad ko sa 'yo, huh? Kung nakukulangan ka pa ay magsabi ka lang dahil dadagdagan ko."

Nagkatinginan sina Linda at Nico matapos na sabihin 'yon ni Alexander.

"Huwag na po, Sir Alexander. Malaking halaga na po itong bayad mo sa akin. Sobra pa nga ito, eh. Sigurado po ako na kahit ma-operahan at makalabas na ang asawa ko sa ospital ay hindi pa po ubos ang bayad mo sa akin na five million. Maraming salamat po talaga. Ang dami na po nito, Sir Alexander," tanggi nga niyang sagot kay Alexander.

Alexander sighed and nodded immediately. "Okay. Sinabi mo 'yan. You're always welcome," sabi ni Alexander sa kanya.

"Ikaw na po ang bahala sa pamangkin ko na si Eliza. Mabait naman po siya at wala ka pong kailangan na problemahin sa kanya. Masunurin po ang batang 'yon. Mapagkakatiwalaan mo rin po siya. Kailangan na kailangan talaga namin ng malaking halaga ng pera para sa operasyon ng asawa ko kaya ko nagawa ang bagay na 'to, eh. Wala akong ibang maisip na puwedeng gawin na madali kundi ito lang talaga," sabi pa ni Linda kay Alexander na may kasamang paliwanag sa harapan nito.

Alexander gave her a quick nod and said, "Ako na ang bahala sa kanya. You sold her to me already kaya ako na ang bahala sa kanya. Anyway, I have a question to you."

Umawang ang mga labi ni Linda matapos na marinig ang sinabi ni Alexander na may tanong siya.

"Ano po ang tanong mo sa akin, Sir Alexander?" tanong nga niya dito.

He sighed again and asked, "Alam ba ng pamangkin mo na si Eliza na ibebenta mo siya sa akin?"

"Hindi po, Sir Alexander. Hindi po niya alam na ibebenta ko siya sa 'yo. Nakikiusap pala ako sa 'yo na ikaw na lang po ang bahala na magpaliwanag sa kanya ng lahat. Hindi po siya papayag kung sinabi ko sa kanya ang totoong plano ko. Tatangi po siya at wala po akong magagawa nito para magkaroon ng malaking halaga ng pera kapag 'yon ang nangyari kaya mabuti na hindi ko sa kanya pinaalam ang plano ko. Tulong na rin niya ito sa asawa ko dahil siya po ang dahilan kung bakit naaksidente ito. Hindi naman po mangyayari ang lahat ng 'to kung hindi dahil sa kanya kaya hindi siya dapat na magreklamo kung malaman nga niya na binenta ko siya sa 'yo. Ikaw na po ang bahala sa kanya, Sir Alexander," paliwanag na sagot ni Linda kay Alexander na tumango-tango lang habang pinapakinggan ang mga lumalabas sa labi niya. He grimaced as he heard it.

May gusto pa sanang itanong at sabihin si Alexander ngunit hindi na lang niya ginawa.

"Kagaya ng sinabi ko kanina ay ako na ang bahala ng lahat pati ang pagsabi ng bagay na 'yon sa kanya," seryosong sagot ni Alexander sa Tita Linda ni Eliza.

"Opo, Sir Alexander. Ikaw na po ang bahala sa lahat-lahat. Maraming salamat po talaga sa 'yo," sabi pa ni Linda sa kanya.

Hindi na si Linda puwedeng magpakita pa sa pamangkin niya na si Eliza sa baba dahil binayaran na siya ni Alexander. Ayaw na niya na magpaliwanag pa dito ng ginawa niya sapagkat baka kung ano pa ang mangyari. Kaya mabuti na hindi na siya magpakita pa kay Eliza na pamangkin niya. Kailangan na niyang bumalik sa ospital kung saan naka-confined ang asawa niya dala ang perang binayad sa kanya

Nakiusap siya kay Alexander na kung puwede ay sa likuran na lang siya dumaan palabas ng mansion upang hindi na siya makita ngpamangkin niya na si Eliza. Pumayag naman nga si Alexander sa nais niyang mangyari kaya sinamahan ni Nico siya na dumaan sa likuran ng mansion palabas upang hindi na sila magkita ng pamangkin niya na si Eliza.

Pinasalamatan naman nga ni Linda si Nico bago siya lumabas nang tuluyan sa mansion na 'yon.

"Hindi mangyayari ang lahat ng 'to kung hindi dahil sa 'yo, Nico. Maraming salamat talaga sa 'yo," sabi ni Linda sa kanya na nagpapasalamat.

Nico smiled at her. "Walang anuman po 'yon."

Magkakilala silang dalawa ni Nico dahil pamangkin ng asawa niya na si Arthur ito. Kapatid ng papa ni Nico si Arthur na asawa ni Linda.

"Ginagawa ko rin po ito para kay Tito Arthur, Tita Linda," sabi pa ni Nico sa kanya. "Hindi ko po alam ang lahat-lahat sa inyo ni Eliza ngunit dahil kailangan mo ng pera ay tinulungan kita para sa ikabubuti ni Tito Arthur. 'Wag ka pong mag-alala sapagkat babantayan ko po si Eliza na pamangkin mo po. Kami na po ang bahala ni Sir Alexander sa kanya."

Nginitian ni Linda si Nico pagkasabi nito.

"Sige. Maraming salamat talaga sa 'yo, Nico," pasalamat pa nitong sabi kay Nico.

Saka lang bumalik sa opisina ng boss niya na si Alexander nang makalabas na nga si Linda na asawa ng Tito Arthur niya.