Chapter 12

Walang ginawa si Eliza sa loob ng kuwarto niya kundi ang humiga sa malambot na kama. Hindi naman siya nakakatulog dahil sa dami ng iniisip niya. Gusto talaga niya na umalis sa mansion ngunit hindi niya puwedeng gawin. Malalagot siya kay Alexander.

Tinatanong niya ang kanyang sarili kung hanggang kailan siya ganito na mananatili sa mansion ni Alexander. Hindi niya alam kung hanggang kailan. Gusto niyang tanungin ito ngunit nahihiya siyang gawin 'yon. Baka kung ano pa ang sabihin nito sa kanya. Alam naman niya na binenta na siya ng Tita Linda niya dito. Umaasa siya na makakabalik siya sa kanila kahit alam naman niya na imposible na ngang mangyari.

Mayamaya ay may kumatok sa pinto ng kuwarto niya. Bumangon kaagad siya para tingnan kung sino 'yon. Pagkabukas niya ay ang isang kasambahay ang nakita niya. Binati muna siya nito ng magandang gabi bago sinabi ang sadya nito sa kanya. Wala naman ito masyadong sadya sa kanya kundi ang sabihin lang na kakain na. Pinababa siya ni Alexander. Gust