CHAPTER 4

Dahil sa nangyari sa kanyang kapatid ay naisipan ni Zyra na mag part-time job pa sa isang fastfood chain malapit sa Ramirez Group of Companies. Pumapasok siya rito tuwing day-off siya roon sa kumpanya.

Kung minsan nga ay nakikita niya ang kaibigang si Lenie roon pero dahil limited lang naman ang oras niya ay hindi na niya ito nakaka-chikahan.

Isang araw, habang nagtatrabaho siya ay may lumapit na isang babae sa kanya. Hindi niya iyon agad nakilala pero noong nagsalita na ito ay nagsimula nang uminit ang dugo niya.

“Aww, dito ka na pala nagtatrabaho? Akala ko ba, nasa RCG ka? Ano? Tinanggal ka na ba roon dahil sa pag-aaway natin sa labas ng kumpanya nila? Kawawa ka naman. Sige, order nga ako,” sabi ni Kristine.

Kinalma muna ni Zyra ang kanyang sarili bago tuluyang magsalita. Ayaw naman kasi niyang mawalan ng trabaho kahit pa sabihin na part time lang iyon. Isa pa, nilagay niya rin sa kanyang isipan na buntis ang babae sa harapan niya kaya kailangan ay maging kalmado siya sa pakikipag-usap dito.

“Ma’am, nasa RCG pa rin po ako. Part-time job lang po ito kasi kailangan ko talaga ng pera. May I take your order po?” pilit na ngumiti si Zyra kay Kristine kahit na ang totoo ay kausap na niya ang demonyo sa kanyang isip.

“Oh, really? Anyways, can I have cheese burger with fries. Tapos ‘yong drink, orange juice. Thank you,” sabi ni Kristine pagkatapos ay nagbayad na at bumalik sa kanyang table.

Gustong magwala ni Zyra dahil sa nangyari. Kung pwede lang mag-early out para hindi niya makita ang babaeng iyon ay gagawin niya. Dahil sa inis niya ay hindi siya ang nagdala ng order ni Kristine.

“Gerald, ikaw na nga ang magdala nitong order sa table number 8. May gagawin pa kasi ako eh. Salamat,” sabi ni Zyra roon sa isang crew na malapit sa kanya.

“Sige. Ako na dyan.”

Habang may ina-assist na customer ay nagtaka si Zyra kung bakit bumalik si Gerald. Dala pa rin ‘yong order ni Kristine. Nang tingnan niya si Kristine ay nakangiti itong mapang-asar.

“Sabi noong babae, ikaw daw ang gusto niyang magdala sa kanya nitong order niya. Hindi ko alam kung bakit ang dami niyang arte,” sabi ni Gerald pagkatapos ay binigay na kay Zyra ang tray na may laman noong order ni Kristine.

‘Pinapainit mo talaga ang dugo ko. Iwas na nga ako nang iwas.’

“Sige, ako na ang bahala. Ikaw muna ang mag-assist dito kay Ma’am, ha? Salamat,” sabi ni Zyra pagkatapos ay naglakad na papunta kay Kristine.

“Hello po, Ma’am. Ito na po ang order ninyo,” sabi ni Zyra pagkatapos ay pilit na ngumiti.

“Ay, thank you,” sagot noong babae pagkatapos ay isa-isa nang pinatong ni Zyra ang order ni Kristine sa table.

Agad na pinagtaka ni Zyra ang pagtayo ni Kristine. Kinuha niya ang orange juice pagkatapos ay binuhos iyon kay Zyra. Gulat na gulat siya sa ginawa noong babae. Maririnig din ang pagkagulat ng iba pang customers sa paligid. Basang-basa ngayon ang uniform niya.

“Akala mo ba, hindi ako gaganti sa iyo? Pagkatapos mo akong ipahiya sa maraming tao, ito naman ang ganti ko! Oras na makita kita ulit, hindi ako magdadalawang isip na mas malala ang gawin sa iyo. Tandaan mo iyan!” sigaw ni Kristine kaya lalong nagtinginan ang mga tao sa kanya.

Hindi naman lumaban si Zyra dahil alam niyang kapag ginawa niya iyon ay siya pa ang masisisante. Customer pa rin si Kristine kaya hindi malabong siya ang kampihan ng manager ng fastfood chain.

Isa-isa namang nilabas ng mga tao ang kanilang cellphone para video-han ang nangyari. Isa na namang scandal ang ginawa ni Kristine. Ang hindi alam ni Zyra ay nandoon din si Gaustav at kitang-kita niya ang lahat ng pangyayari.

“Miss Cuevas, what did you do?” tanong ng isang lalaki sa di kalayuan. Nang tingnan ni Zyra kung sino iyon ay gulat na gulat siya. Si Gaustav. May hawak-hawak ito na takeout. Masama rin ang tingin niya kay Kristine.

‘Ano naman kaya ang ginagawa ng isang bilyonaryong ito sa isang fastfood chain?’

“A-Ah, Sir Gaustav. Inagaw po kasi ng babaeng ito ang boyfriend ko. Kaya, gumanti po ako,” gulat at nahihiyang sagot ni Kristine.

“Sa palagay mo, dahil sa ginawa mo ay nakaganti ka na? Hindi ka ba nahihiya sa mga taong nandito ngayon?” matapang na tanong ni Gaustav, napatingin naman sa paligid noon si Kristine at na-realize na sobrang dami pala ng taong nasa paligid niya.

“Sorry po, Sir Gaustav. Hindi na po mauulit,” nakayukong sagot ni Kristine.

Lumapit naman si Gaustav kay Zyra pagkatapos ay kinuha ang panyo niya para linisin ang uniform ng babae. Hinayaan lang ni Zyra na gawin iyon ni Gaustav dahil wala siyang lakas para makipag debate. Hindi niya napansin na natulo na pala ang kanyang luha.

“Don’t cry. Nandito na ako. We will figure this out. Okay? Tara na,” sabi ni Gaustav.

“Salamat,” iyon na lang ang nasabi ni Zyra dahil umiiyak pa rin siya.

Hinawakan ni Gaustav ang kamay ni Zyra pagkatapos ay hinila na niya ito palabas ng fastfood chain. Wala na siyang pakialam kung oras pa ng trabaho ni Zyra iyon. Ang importante sa kanya ay maalis niya sa lugar na iyon ang babae. Nang makalabas ay bumitaw agad si Zyra kay Gaustav.

Gulat na gulat naman si Kristine dahil sa ginawa ni Gaustav. Takot na takot siya kaya naman kinuha na niya ang kanyang mga gamit at umalis na roon sa fastfood chain. Ayaw na tuloy niyang pumasok sa trabaho dahil baka pagalitan siya ni Gaustav, mangyari kasi na iyon ang boss niya.

Nang kumalma na habang nasa kotse ay hindi napigilan ni Zyra ang magtanong. Nagtataka kasi siya kung bakit nasa fastfood chain na iyon si Gaustav pero thankful din naman siya dahil kung hindi, walang magliligtas sa kanya mula kay Kristine.

“Bakit ka nga pala nandoon? Nakakatawa lang kasi, isang bilyonaryo pero doon ka um-order?” natatawang sabi ni Zyra.

“Ah, pupunta kasi ako sa pamangkin ko ngayon sa ospital. Dadalhan ko siya nitong takeout na binili ko. Sakto naman na nakita kita, kaya magkasama tayo ngayon,” paliwanag ni Gaustav habang siya ay nagda-drive.

Tumango-tango lang si Zyra noon. Nagulat naman siya nang tanungin siya ni Gaustav tungkol sa kanyang kapatid na si Leo. Akala kasi niya ay hindi na maaalala pa ng lalaki ang insisdente na iyon sa buhay niya.

“Kamusta na pala ang kapatid mo? Nakalabas na ba siya ng kulangan?”

“Hindi pa. Nag-iipon pa ako ng pera para makalabas siya roon. Kaya nga ako nagtatrabaho sa fastfood chain na iyon kahit na may trabaho na ako ay dahil kailangan ko talaga ng pera pero dahil sa nangyari ngayon, mawawalan na yata ako ng part-time job,” malungkot na sagot ni Zyra.

“Bakit kasi hindi mo pa tanggapin iyong offer ko?”