CHAPTER 5.1

"Ah, kanina ka pa ba nandyan?" nahihiyang tanong ni Gaustav.

Tumango-tango naman si Zyra at napayuko na lang dahil sa hiya. Hindi naman niya kasi sinasadya na marinig kung ano man 'yong pinag-uusapan noong dalawa.

"Ano pala ang kailangan mo? Bakit ka napapunta rito?" Sige, pumasok muna tayo sa loob para mag-usap? Ayos lang ba iyon sa iyo?" tanong ni Gaustav.

Napatingin naman si Zyra kay Gaustav dahil sa sinabi niya pero noong mga oras na iyon ay gusto na niyang mag-back out sa kanyang plano.

"Ah, wala. Hindi na. Okay na iyon. Mas maigi yata kung unahin mo na lang 'yong problema mo sa babaeng iyon," sagot naman ni Zyra.

"Problema? Wala na akong problema sa babaeng iyon dahil alam ko naman sa sarili ko na hindi sa akin 'yong bata. Niloko niya ako, eh. Magtiis siya, hindi ako magpapaka-tatay doon sa bata," halatang galit si Gaustav nang sabihin niya iyon kay Zyra.

"Pero paano kung-" hindi na natapos ni Zyra ang kanyang sasabihin dahil sumagot agad si Gaustav sa kanya.

"Wala nang pero-pero! Halika na. Pumasok na tayo sa loob dahil may sasabihin ka pa sa akin, 'di ba? Tara na," sabi ni Gaustav pagkatapos ay hinila na niya si Zyra papunta sa loob ng condo niya.

Wala nang nagawa noon si Zyra at pumasok na lang din siya sa loob. Nahihiya man pero alam din niya sa sarili niya na si Gaustav lang ang makakatulong sa problema niya.

Dahan-dahang umupo si Zyra sa sofa. Napangiti siya ng konti nang makita na may nakalapag na pagkain sa lamesa.

"Marunong ka pala magluto, ano?" nagulat na lang si Zyra nang biglang lumabas iyon sa bibig niya. Nasa isip lang niya iyon eh.

"Hmm, oo. Kapag nandito ako sa condo, kaya ko naman magprito. Pero kapag nasa mansion ako, may taga luto talaga roon. Bakit? Wala ba sa itsura ko na marunong akong magluto?" sagot ni Gaustav.

Sa isip-isip ni Zyra, tama lang talaga na kay Gaustav siya humingi ng tulong dahil mukhang mayaman talaga ito dahil may mansion itong sinabi.

"Ah, wala naman. Natuwa lang akong malaman na marunong kang magluto kahit prito-prito lang. I mean, ako kasi kung minsan ay nasusunog ko pa iyan eh," sagot naman ni Zyra.

Natawa na lang si Gaustav dahil sa narinig. Pagkatapos noon ay umupo na siya at niyayang kumain si Zyra.

"Halika, kain muna tayo bago tayo mag-usap?"

"Ah, okay. Sige. Wala naman sigurong lason 'yang niluto mo, ano?" seryosong-seryoso si Zyra sa tanong niya kaya natawa na lang si Gaustav sa sinabi niya.

"Oo naman. Ano ka ba? Hindi ako ganoong klaseng tao, mabait ako Zyra. Medyo bastos nga lang," pagkasabi ni Gaustav noon ay halatang biglang nahiya si Zyra.

Naalala na naman kasi niya na may nangyari pala sa kanila. Sa loob ng condo kung nasaan sila ngayon.

"Ay, sorry. May naalala ka yata. Naku, halika na nga. Tikman mo na itong luto ko kahit na prito lang ito," sabi ni Gaustav kaya tuluyan nang tumayo si Zyra at umupo malapit doon sa lalaki.

Pagkatapos kumain ay kinausap na ni Gaustav si Zyra at tinanong kung ano ang kailangan niya kahit na may hula na siya kung ano iyon.

"Ano? Masarap ba kahit prito lang iyan?" tanong ni Gaustav.

"Oo, hindi naman sunog o hindi masyadong luto ang nakain ko. Thank you," sagot ni Zyra habang ngumunguya pa ng konti.

"Zyra, bakit ka ba nandito? Nagbago na ba ang isip mo?" dahil sa tanong ni Gaustav ay sinamid si Zyra, agad siyang uminom ng tubig.

Nang kumalma na ay inisip niya muna kung tama ba ang kanyang gagawin. Nang makita na todo hintay si Gaustav sa sasabihin niya ay tuluyan na itong sumagot.

"Alam mo naman na nasa kulungan pa rin ang kapatid ko, hindi ba? Gusto ko sanang humingi ng tulong sa iyo para makalabas na siya," sabi ni Zyra pagkatapos ay tumungo dahil nahihiya siya sa kanyang sinabi.

"So, that means you are accepting my offer, right? You will be my wife," pagkasabi noon ay napangiti na lang si Gaustav.

"Oo, sana. Pero, parang hindi ganoon ang mangyayari dahil kay Prescilla," sagot ni Zyra, napapikit na lang sa inis si Gaustav nang maalala na ganoon nga pala ang nangyari kanina.

"Hmm, huwag mo siyang intindihin. Sabi ko naman sa iyo, 'di ba? That child is not mine kaya wala siyang mapapala sa akin," sagot ni Gaustav, umaasa na matapos na ang usapang iyon.

"Pero paano kung oo? I mean, kung wala pa namang DNA test. Wala pang patunay na hindi mo anak ang bata. Kawawa naman siya kung sakali man na ikaw talaga ang ama niya," sagot ni Zyra.

Natigilan si Gaustav dahil sa sinabi ni Zyra. Alam naman niya ang pino-point out nito at walang mali roon. Inis na inis lang talaga siya kay Prescilla dahil ang galing gumawa ng kwento nito.

"Ah, sige. Kung gusto mo ay hintayin muna natin ang result ng DNA para hindi ka na mag-isip ng ganyan. Pero, tutulungan pa rin kita ngayon dahil alam kong kailangan mo na nito ngayon," offer ni Gaustav para tumigil na si Zyra sa kung ano mang iniisip niya.

"Sige, pero hindi 10 billion pesos ang ibibigay mo sa akin. Just the right amount of money, okay na ako roon," sagot ni Zyra.

Wala nang nagawa si Gaustav noon kung hindi ang tumango dahil alam niyang hindi niya pwedeng pilitin kung ano man ang gusto niyang mangyari.

Agad siyang nagbigay ng pampyansa ni Leo, dinagdagan na rin niya ng konti iyon para naman maging maginhawa ang buhay ng pamilya ni Zyra.

Paalis na sana noon ng condo si Zyra nang biglang tinawag siya ni Gaustav.

"Zyra? May isa pa sana akong hihingin sa iyo. Kung ayos lang?" para bang nahihiya pa si Gaustav sa kanyang gustong sabihin.

"What is that? Sige, kung kaya ko ay gagawin ko. Tutal, may utang na loob naman ako sa iyo," sagot ni Zyra.

"Pwede ka bang tumira rito sa condo, kasama ko? Habang hinihintay natin ang DNA result noong bata."

Napaawang na lang ang bibig ni Zyra dahil sa narinig. Hindi niya alam kung paano sasabihin sa kanyang ina ang ganoong bagay.