Kabanata II

~Tana~

Parang si Dora the explorer ako na naglakad papunta sa bespren kong si Andrea nang makita ko itong nakatayo sa tapat ng salon. Kanina pa siya rito dahil inutusan siya ng mama niya na bumili nang bigas dito sa bayan. Sakto namang nakita niya ang mga tropa ni Juan ko kaya agad niya akong tinawagan para ichika ang narinig niya. Malapit na rin mag-alasdies kaya I'm sure makikita ko na ang love of my life kong si Juan.

"Wow! Halatang pinaghandaan mo talaga, huh?" sambit ni Andrea nang pasadahan niya ng tingin ang suot ko. "Nakakasilaw ka, Bes!"

"I know right! Alam ko naman nakakasilaw ang ganda ko kaya makukuha ko ang atensyon ni Juan ko mamaya." Inihampas ko sa hangin ang feeling mahaba kong buhok.

"Iyong damit mo ang nakakasilaw! Iyon ang ibig kong sabihin! Chaka nito!" Pambabasag niya ng mood ko. "Mas masilaw ka pa sa tirik na tirik na araw ngayon kaloka! Masyadong matingkad iyang pink mong damit, Inday!"

Siraulo talaga ito! Parang sinabi niyang hindi ako maganda, ah?

"Kung nasisilaw ka edi mag-shades ka!" Kinuha ko na lang ang cute na telescope ko sa suot kong backpack na nabili ko sa tingian. Hindi naman mamahalin ito dahil isang daan ko lang nabili kaya gawa lamang ito sa plastic. Parang 'yong made in China mong friend. Charizz!

"Wow! Ang cute naman niyang telescope mong pambata," komento ni Andrea na hindi ko alam kung compliment or inaasar niya lang ako.

"Huwag ka na ngang maingay riyan at hinahanap ko saang lupalop naroroon si Juan!" Iginala ko ang mata ko habang nakasilip sa pink kong telescope.

"Gaga! Ayun lang si Juan mo, oh! May kasamang bruhilda!" Itinapat niya ang telescope na hawak ko kung nasaan si Juan na may ka-holding hands na ibang babae.

Wala sa sarili kong naibaba ang telescope ko at parang dinurog ang puso ko sa nakikita ko ngayon. "Girlfriend niya?"

"Obvious ba? Gusto mo lapitan natin ng makumpira nating girlfriend niya iyong ka-holding hands niya?"

Napangiwi na lamang ako kasabay ng pagbusangot ng mukha ko. "Hindi na umuwi na lang tayo. Hindi ko alam na mahilig pala sa chaka si Juan. Sayang siya!" Ipinasok ko na ang telescope ko sa backpack ko at umatras na lamang.

Sabay namin tinahak ni Andrea ang daan pauwi since hindi naman nagkakalayo ang mga bahay namin. Lagi rin kaming sabay pumasok sa eskwelahan because that is what friends are for pero kapag naiinip ako sa kabagalan niya mag-ayos ng sarili ay iniiwan ko na lang siya. Masamang paghintayin ang beauty ko!

(Notification sounds)

Kinuha ko ang cellphone ko sa backpack ko ng marinig ko na tumunog ito. Pagkabukas ko ng screen ay agad na tumambad ang basang semi-hubad na katawan ni Hauser habang nakasabit sa leeg niya ang puting t'walya. Nakasuot ito ng itim na boxer na siyang nagpalaki sa ngiti ko. May nakikita akong bumabakat hindi ko sasabihin! Kyah!

Bago pa man mapusuan ng iba ang hottie picture niya na kaka-post lang ay inunahan ko na sila. First reactor here! Hart! Hart! Hart! Comment ko pa sa picture ni Hauser my loves at syempre automatic save sa gallery ko. Halos hindi ko na nga mabilang ang mga picture niya na nasa gallery ko, eh. Meron pa akong poster niya sa k'warto ko na nakasuot siya ng school uniform at noong nag-beach sila kasama ang daddy niya na magiging papa ko na rin soon. Iyong unan na ko na lagi kong yakap sa pagtulog ay may mukha niyang nakapikit kaya feeling ko katabi ko siyang matulog sa gabi.

"Kyah!" Sa super ultra mega kilig ko ay hindi ko na namalayang nahampas ko na pala si Andrea.

"Ano ba! Bakit ka ba bigla-bigla nanghahampas diyan!" Inis akong hinarap ni Andrea na nakapameywang.

"Eh, kese nemen kenekeleg ako, Bes, ehe!" Hinawi ko ang buhok ko sa likod ng tenga ko habang nagpa-puppy eyes sa kanya.

"Kinikilig?! Nakalimutan mo na bang broken ka na naman sa crush mo? Usually kapag ganito ay umiiyak ka at nag-iinarte. Parang nag-iba yata ang ihip ng hangin, Bes? Umamin ka nga anong meron?" Sunod-sunod na tirada ng bibig niya na hindi man kang huminga kahit isang segundo.

"Ang dami mo namang sinasabi!" Pinalakasan ko ang brightness ng cellphone ko at itinapat sa mukha niya ang screen nito. "Kaka-post lang kasi ni Hauser sa social media account niya at ako ang unang nag-heart. Kyah! Kinikilig ang mga lamang loob ko, Bes!"

"Patingin nga!" Kinuha niya ang cellphone ko at tiningnan ng malapitan ang tinutukoy kong post ni Hauser. "Hoy! Ang hot, Bes! Parang lalo yatang uminit ang panahon! Teka hindi ako makahinga." Umarte pa ito na hihimatayin na ikinangiwi ko na lang. "Iyan ba iyong long-time crush mo, huh? Mukhang yayamanin at mukhang model ng mga boxer. Parang daks din!"

Kinuha ko na ang cellphone ko sa kanya bago pa mahulog itong bespren ko sa crush ko. Balak pa yatang agawin sa akin! "Oo siya nga. Mabuti na nga lang natanong ko iyong pangalan niya noon kaya lahat ng social media accounts niya ay naka-follow ako kaya lagi akong updated." Sambit ko na nakatingin sa gwapong mukha ng future asawa ko.

"Kaya naman pala hindi ka na umiiyak lately sa mga crush mo, eh, may nagpapasaya pala sa'yo riyan!" Kinurot niya ang tagiliran ko. "Pero, Bes..." Umangkla ito sa braso ko at para kaming magjowa na naglalakad dito sa gilid ng kalsada. "Hindi sa sinisiraan ko iyang Hauser na iyan, huh? Pero mukhang babaero, eh. In short playboy!"

Napatigil ako bigla sa sinabi niya. "Grabe ka naman, Bes! Hindi naman lahat ng gwapo, eh, babaero na or playboy. Sabi pa nga don't judge the book by its cover."

"Kahit na, Bes! Hindi ka sigurado na mabait nga talaga iyang Hauser na iyan."

"Sigurado akong mabait si Hauser at 'di ba nga tinulungan niya ako noong nadapa ako? Nandito pa rin nga iyong bandaid na inilagay niya sa sugat ko six years ago." Dali-dali kong kinuha sa loob ng backpack ko ang bandaid na tinutukoy ko na nakaipit sa crush list notebook ko. "See? Nandito pa at once na magkita kami ay ipapakita ko ito sa kanya ng maalala niya ako." Sambit ko na ipinakita sa kanya ang hawak ko.

"Yuck! Kadiri ka naman, Bes! Ilayo mo nga iyan ang baho! May maliliit pang balahibo mo na nakadikit, oh!" Lumayo ito ng kaunti sa akin habang nakatakip ang isang kamay niya sa ilong.

"Ang arte nito." Inipit ko na lang pabalik sa notebook ko ang bandaid na hawak ko.

"Kung ako si Hauser ay siguradong lalayo ako sa'yo kapag pinakita mo sa akin iyang bandaid mo."

"Pero hindi ikaw si Hauser!"

"Kahit na ba!"

"Ambot!"

Umuwi na lamang kaming pareho ni Andrea since wala namang nangyaring maganda. Kung meron mang nangyaring ikatutuwa ko ngayon ay iyon ang maging first reactor ni Hauser my loves! Ilang beses na ako na naging first reactor at commentator sa mga post niya pero never pa niyang ni-heart iyong mga comments ko. I'm sure naman nakikita niya mga comments ko kahit hindi siya nagri-react. When kaya ako mapapansin ng lalaking iyon? Kahit react lang sa comment ko masaya na ako. Hihihi!