Chapter 23

"Are you going to marry her because something happened between the two of you, Gaston Pierre?"

Nakagat ko ang labi ko at nahihiyang yumuko. Hindi ko inaasahan na itatanong yun ni Senyora Elizabeth. Mababa at kalmante man ang boses niya pero hindi ko maiwasang kabahan. Wala akong mababasang reaksyon sa mukha niya mula ng dumating kami ni Lolo Ignacio at Senyorito Gaston.

Ngayon lang ako nakalapit ng ganito kalapit sa kanila. Ngayon ko lang din sila makakausap simula ng dumating ako dito sa hacienda nila. Pero alam kong mababait ang mag-asawang Sandoval, yung ang palaging bukambibig ng mga trabahante nila dito sa hacienda.

Nandito kami ngayon sa loob ng library nila dahil pinatawag kami ni Senyor Gideon at Senyora Elizabeth. Katabi ng Ginang si Senyorito Gustavo na tahimik lang. Si Senyor Gideon naman ay nakaupo sa kabisera, seryoso man ang mukha pero tipid itong ngumiti pagkakita sa akin kanina. Ako, si Lolo at si Senyorito Gaston ay nakaupo sa tapat nila.

Mula sa cabana kung saan