Chapter 21.7

Nanghihinang napaupo si Vena sa kaniyang upuan pagkatapos lumabas ni Andrei sa opisina niya. Hindi niya inaasahang magpapakita ito sa kaniya ng ganuong oras dahil kung tutuusin ay kanina pa dapat sana ito nagpakita sa kaniya. Napasandal siya sa kaniyang upuan at pagkatapos ay napapikit, hinayaang tumulo ang luha sa kaniyang mga mata.

Hindi niya alam kung anong pumasok sa utak nito pero bakit bigla na lamang siya nitong pinipilit na makipagbalikan sa kaniya. Anong ibig sabihin nito? Bigla siyang natawa habang umiiyak na parang isang tanga dahil sa muntikan na naman siyang bumigay kanina at gustong maniwala sa sinasabi nito.

Mabuti na lamang at nalabanan niya iyon dahil kung hindi ay nagpakatanga na naman sana siya. Nasisiguro niyang may binabalak na naman ito kaya ito nagmamakaawang mag- umpisa na naman sila ulit. Naniniwala naman siya sa second chance, pero para sa mga taong deserving lang iyon na bigyan ng chance. Ang katulad ni Andrei ay hindi na dapat pa binibigyan ng chance dahil