Chapter 21.9

Nagmartsa palabas ng study room si Vin at pinanuod lamang iyon ng ama nito. Pabagsak rin nitong isinara ang pinto dahil sa labis na poot. Pagkalabas na pagkalabas nito ay biglang napahawaka ang matandang Silvestre sa dibdib nito at tila ba nahihirapan itong humingi.

Halos lukutin niya ang damit niya sa tapat ng kaniyang puso ng mga oras na iyon dahil sa naninikip nitong dibdib. Hindi ito ang unang beses na mangyari iyon sa kaniya dahil halos araw- araw na iyong nangyayari sa kaniya at hindi niya alam kung anong dahilan.

…

Ibinagsak ni Mario ang sarili sa sofa. Kararating niya lang galing sa bahay nila at naroon siya sa secret hideout nila. Problemadong- problemado siya dahil nga sa pagbabago ng matandang iyon ng last will na hindi nila alam kung ano ang tumatakbo sa utak nito.

Napapikit siya at pagkatapos ay napasandal mula sa kaniyang kinauupuan pagkatapos ay narinig niya ang ilang mga yabag na papalapit sa kaniya. Hindi siya nagmulat ng kaniyang mga mata upang tingnan kung sino ang