Chapter 18.3

Palakad- lakad sa labas ng silid ni Vena si Andrei. Hanggang sa mga oras na iyon ay wala pa rin itong malay. Hindi niya rin maiwasan ang hindi mag- alala dahil sa kalagayan nito dahil maging siya nang makita niya ang dugo na umagos mula sa hita nito ay hindi niya rin naiwasan ang hindi kabahan.

“Damn it!” mura niya sa kaniyang sarili at pagkatapos ay napasabunot sa sarili habang patuloy sa palakad- lakad.

Ang galit na nararamdaman niya kanina kay Vena ay tila ba nawalang parang bula at napalitan ng labis na galit niya sa kaniyang sarili. Siguradong may masamang nangyari kay Vena kaya ito dinugo at, bigla siyang napaayos ng tayo. Hindi kaya buntis ito?

Biglang nanlaki ang kaniyang mga mata dahil sa kaniyang naisip. Papaano kung noong unang beses na may nangyari sa kanila ay may nabuo na pala? Walang duda na sa kaniya iyon dahil siya ang nakauna rito.

Nasa ganuon siyang pag- iisip ng bigla siyang napalingon sa mga paparating na mabibigat na yabag. Paglingon niya ay nakita niya kaagad an