Chapter 20.2

Walang reaksiyon si Vena habang pinapanuod ang pagpupumilit ni Andrei na pumasok mula sa bahay nila para lang makausap siya. Wala siyang ibang maramdaman ng mga oras na iyon hindi katulad noon na kapag makita niya lamang ito ay sobrang kinikilig na siya.

Ibang- iba na kasi ang sitwasyon nila ng mga oras na iyon. Nasisiguro niya na natanggap na nito ang ipinadala niya kaya nagpupumilit ito na makausap siya. Hindi pa ito ang tamang oras para harapin niya ito. Pero darating ang araw na muli niya itong haharapin at nasisiguro niya na magsisisi ito ng lubusan dahil sa ginawa nito sa knaiya.

Sinisiguro niya na gagawin niya ang lahat para maging misereble ang buhay nito katulad ng ginawa nito sa kaniya. Kanina pa niya ito pinapanuod mula sa kaniyang silid habang nagpupumilit ito na pumasok sa bahay nila. Mabuti na lamang at eksaktong naroon ang mga tauhan ng kaniyang Daddy dahil baka kung wala ang mga ito ay baka nakapasok ito sa loob.

Ang lakas din ng loob nito na magpakita sa mismong bahay