Chapter 19.4

“Akala ko ba isang buwan ang bakasyon ninyo Daddy?” tanong ni Luke sa kanyang ama mula sa rearview mirror ng sasakyan.

Nakita niya naman ang pagbuntung- hininga nito at pagkatapos ay napasandal sa kotse. Nasa likod niya ito dahil ayaw nitong umupo sa tabi niya.

“Sinong ama nag hindi mag- aalala kapag may mabalitaan siya na hindi magandang nangyari sa prinsesa niya?” balik nitong tanong sa kanya.

Kaagad naman na napakunot ang noo niya dahil sa sinabi nito, ayon kasi kay Vin ay wala itong dalang cellphone kaya hindi ito makokontak lalo na noong nagpunta doon si Vena ilang araw lamang pagkatapos ng kasal nito. Akala niya ay totoo iyon kaya paano nito nalaman ang balitang iyon?

“I thought you don’t have your phone.” kaswal na saad niya rito habang ang kaniyang mga mata ay nakatuon pa rin sa daan.

“Sinabi ko lang iyon para hindi niya ako kulitin.” sabi nito sa kaniya na ikinatahimik na lamang niya.

Marami pa sana siyang gustong itanong rito ngunit pinili na lamang niya ang manahimik.