146

Pagdating ni Diego sa mansyon ng mga Solise, nadatnan niya ang kanyang ama sa sala kasama ang kanyang mga kapatid at ang ina. Hindi maipinta ang mukha ng ama at halatang galit na galit ito. Bigla namang kinabahan si Diego sa ikinikilos ng ama.

“Dad, may problema ba?” agad niyang tanong nang makalapit siya rito.

Huminga ng malalim ang kanyang ama, at isang malakas na sampal ang itinugon nito sa kanya. Gulat si Diego at hindi niya agad mag-proseso sa isip ang nangyayari.

“Honey?” gulat na sambit ni Melissa habang agad inaawat ang asawa. “Kausapin mo muna ang anak mo bago ka magalit,” nag-aalalang sabi ni Melissa habang hinarap ang anak.

“Okay ka lang ba, anak?” tanong niya habang hinahaplos ang pisngi nito.

“Mom, ano ba ang nangyayari?” mahinang tanong niya sa kanya. Huminga ng malalim si Melissa at tiningnan siya diretso sa mata.

“Kumakalat na ngayon sa social media ang balita tungkol sa pangangaliwa mo, anak. At hindi kami maniniwala hangga't hindi nanggagaling sa'yo ang katotohanan.”