107

DAHIL sa sobrang saya ay hindi na nagawa pa na matulog ni Rosita. Alas tres na nang madaling araw at dilat na dilat pa ang kanyang mga mata na pumasok sa kwarto nila ng fiance niya. Hindi na siya inabala ni Raven, dahil alam nito kung gaano niya na-miss ang pamilya. Hinayaan niya lang ito na makipag-usap sa mga magulang at mga kapatid na matagal-tagal din na hindi niya kasama. Nang dahil sa marami silang napag-usapan ay hindi na nila namalayan ang oras, kaya’y pinilit na lang nila si Rosita na pumasok na sa kanilang kwarto.

At dahil din sa sobrang saya ay hindi na nagawa ni Rosita na bisitahin ang mga anak sa kani-kanilang kwarto. Pagpasok niya sa kanilang kwarto ni Raven ay nadatnan niya ang kanyang mga anak at si Raven na natutulog.

Maiging pinagmasdan ni Rosita ang kanyang mag-ama. Nag siunahan naman ang kanyang mga luha habang nakatitig sa kanyang mag-ama. Ang sarap ng kanyang pakiramdam habang tinitigan ang mga ito na mahimbing na natutulog. Labis siyang natuwa sa ginawa ni Rav