64. Office romance

“Daddy, can you fix this?”

Saka lamang napukaw si Alexander sa malalim na pag iisip ng magsalita ang kanyang anak na si Ross. Ngumiti siya at kinuha sa kamay ng anak ang Rubik cube. Habang inaayos ito ng mabilis ng ama ay nakatingin si Rose dito ng namamangha.

Mahinang natawa si Alexander ng napa-ohh na naman ang anak. Ilang beses na niya itong nagawa subalit hanggang ngayon ay namamangha pa rin ito. Ang makita ang ganitong ekspresyon ng anak ay nagbibigay ng tuwa sa dibdib ni Alexander. Nawala ang bigat at mga gumugulo sa isip niya.

Samantala, hindi mapigilan ni Linda ang matuwa habang nakatingin kay Rose. Nagulat hindi lamang ang babae nang dumating ang kanilang CEO na may kasamang bata, lahat ng empleyado ay nagulat at nagtaka. Bukod pa ro’n, marami ang saksi kung paano ito kausapin ng kanilang boss; may lambing at pagmamahal. Kaya kanina ng ipatawag sila ng lalaki upang ianunsyo na anak nito si Rose ay hindi na si Linda nagulat. Bilang matagal ng nagta-trabaho sa lalaki ay ala