58. Kailan pa?

“Alexander, baby!”

Kumunot ang noo nang lahat nang makarinig ng malakas na alingawngaw ng boses babae. May babaeng dumating. Morena at maganda. Nang makita nito si Alexander ay nagmamadali itong tumakbo para lumapit kay Alexander. May dala pa itong basket na puno ng prutas.

Napa-ohh naman sina Raven at David. ‘Nangangamoy away!’ Isip-isip pa ni Raven na nakangiwing nakatingin kay Freya na tahimik lang subalit halos mag isang linya na ang kilay at umusok ang ilong sa galit.

“Baby, hindi mo naman sinabi na bumalik ka na pala. Eh di sana ay nabisita kita at nadalhan ng mga prutas.“ parang walang pakialam ang babae sa paligid. Hindi man lang nito napansin na bukod kay Alexander ay may iba pang tao sa paligid.

“Hi, baka hindi mo kami napansin.” Ani Raven para kunin ang atensyon ng babae.

“Oh my god. May kasama ka pala, baby.” Lumapit ito kay Raven. “Hi! Ako nga pala si Celine! Kayo sino kayo? Kaibigan ba kayo ni baby?”

“Baby?” Lahat ay napatingin kay Freya—kabilang si Alexander