57. Ilihim

“Masaya ako para sayo, Freya. Akalain mo after five years ay magkakabalikan kayo ulit. Iba talaga ang nagagawa ng tadhana. Kahit ilang taon nang nagkalayo ay sa bandang huli ay magtatagpo pa rin ang mga puso.” Tudyo ni Raven ng marinig ang kinuwento sa kanya ni Freya. Nakikita ng dalaga na talagang masaya na ang kaibigan niya. Mukhang napalambot na talaga ito ni Alexander. “Grabe pala ang nangyari kay Alexander, noh? May rason pala siya kaya ka niya piniling sinaktan. Walanghiyang doktor ‘yon kung sino man siya. Anong karapatan niya na paglaruan ang buhay ng pasyente niya. Ang sama niya!”

Bumuntong-hining si Freya. Tama ang kaibigan niya. Ang sama ng taong ‘yon. Nagawa nitong manloko ng ibang tao at dumihan ang sariling propesyon. Sinayang nito ang halos sampong taonna pinag aralan. Nabanggit sa kanya ni Alexander na patatanggalan ito ng lisensya kapag nahuli. Kahit siya ay gano’n din ang gagawin sa oras na mahuli ang taong ‘yon.

Namilog ang mata ni Raven nang makita ang singsing n