61. Pamamahiya

Bumuntong-hininga sina Freya at Alexander habang nakatingin sa anak nilang si Rose na ngayon ay malungkot na nakaupo sa driver seat. Hindi nito gusto na umalis sila. Sa maikling panahon na pananatili nila dito ay nagustuhan na nito ang lugar.

“Rose, wag ka nang malungkot, babalik naman tayo dito, okay?”

Ngumuso ito. “Kailan naman po, mommy?”

Tumingin si Freya kay Alexander. Ito na ang sumagot sa kanilang anak. “As soon as possible. So don’t worry because you would see this place again.”

“Talaga po? Thank you, daddy, mommy!”

Napangiti na lamang si Freya. Noong una ay natatakot pa ang kanilang anak sa lugar na ‘to dahil liblib at baka maraming wild animals—subalit ngayon ay gustong-gusto na ni Rose ang lugar. Hindi na rin ito takot sa anumang hay0p na nakikita. Pati ang mga tao sa bayan ay kilala na nang kanilang anak.

“She really likes here. How about you?” Kapagkuway tanong ni Alexander kay Freya.

Ngumiti si Freya. “Kahit saan basta kasama ko kayo ni Rose.”

Ngumiti