"LONGING LOVE"

KUNG gaano kaganda sa labas ang bahay, masasabi kong walang sinabi iyon nang makapasok kami ni Marius sa loob. Pakiramdam ko nagbalik ako sa panahon ng Noli Me Tangere at El Filibusterismo dahil sa lahat ng nakikita ko.

Walag TV sa sala pero may maganda at malaking grand piano. Lumang grandfather’s clock at marami pang antigong mga muwebles na nakapagpamangha sa akin.

“Wow,” ang tanging nasambit ko habang malaya kong hinahagod ng humahangang tingin ang buong paligid.

“Nagustuhan mo?”

Ang tanong na iyon ni Marius ang narinig ko at tila ba lubid na humila sa akin pabalik sa kasalukuyan.

Nilingon ko siya saka tiningala ng nakangiti. “I love it. I mean, I love everything about this house,” pagsasabi ko ng totoo.

Sa pang-hindi mabilang na pagkakataon ay nakita kong muling nangislap ang maiitim na mata ni Marius dahil sa sinabi ko. Hindi ko maikakaila na may something talaga sa mga mata ng lalaking ito ang nagbibigay ng rason sa akin para mawala sa sarili ko tuwing nagtatama ang paning