Chapter 91

Ang nilalaman ng sulat:

"Abby, patawad sa mga nangyayari. Alam kong nagtataka ka kung bakit ako lumalayo at umiiwas. Hindi ko gusto ang nangyayari. Hindi ko gusto na di ka malapitan. Pero ito lang ang paraan sa ngayon para maprotektahan ka. Alam ng aking ina na may mahal akong iba at ayaw ko nang magpakasal kay Maggie pero pinipilit pa rin niya ako. Gusto niyang malaman kung sino ang iniibig ko at ayokong mapahamak ka kaya tinago ko. Hindi ko sinabi sa kanya na ikaw. Patawad kung naging duwag ako. Pero ito lang ang naiisip kong paraan para malayo ka sa kapahamakan. Hindi ko alam ang pwedeng gawin niya sa iyo kaya pansamantala, gagawin ko muna ito. Kahit labag sa loob ko na di ka kausapin at namimiss kita, titiisin ko. Sana maintindihan mo. Mahal kita Abby. Gagawa ako ng paraan para makasama ka. Maghintay ka lang. Pangako!"

------

Gumaan ang pakiramdam ni Abby. Kahit papano ay napanatag siya. Alam na niya kasi ang dahilan kung bakit umiiwas ang binata. Nang bumalik si Abby sa opisina