Chapter 94

Sumulat si Abby ng isang resignation letter bago siya umalis ng bahay. Pinayuhan siya ni Meimei na pansamtalang umalis muna sa kompanya.

"Abby, payo ko lang ito. Umalis ka muna sa kompanya ni Sir Kristoff. Kung maaari, lumayo ka muna. Makakabuti kung lalayo ka at iiwas sa kanila." Payo ni Meimei na tumatak sa utak ni Abby.

Nagdesisyon si Abby na mag-resign muna sa kompanya. Alam niyang maiintindihan ni Kristoff ang gagawin niya. Mahirap man na mahiwalay kay Kristoff ay titiisin rin nya gaya sa ginagawa ng binata.

Sa pagkakataong ito, nasa opisina na si Kristoff.

Pumunta agad si Abby sa opisina. Habang papalapit siya sa pinto ay lumalakas rin ang kaba na nararamdaman niya. Nasa loob si Kristoff na may pinipirmahan na mga papeles. Napakaseryoso ng binata na ginagawa ang trabaho. Mukhang may tinatapos itong gawain bago niya gawin ang isa pa nyang balak na gawin kapag hindi titigil ang ina nito.

Binuksan ni Abby ang pinto at binati ang boss.

"Good morning sir!" Malumanay na bat