Chapter 3 [Positive]

-Rain’s Point of View-

Nakaupo ako sa nakasarang toilet bowl. Ang tingin at konsentrasyon ko ay nasa PT na hawak. Pangatlong subok ko na sa haping ito at pareho lang lahat ang resulta. Positive. Positive lahat ang lumabas sa PT. Hindi ko na napigilan ang mga luhang gustong kumawala sa aking mga mata. Sunod-sunod ang pag-agos ng mga luha sa aking mga mata. Kahit paulit ulit kong gawin iyon ay iisa pa din ang resulta.

“Buntis nga talaga ako,” humagulgol na ako ng tuluyan. Ano na lang ang gagawin ko ngayon? Nag-aaral pa lang ako. Ano ang sasabihin ko kay daddy kapag nakarating sa kanya ang balita? He’ll be disappointed in me, that’s for sure.

Lagi niyang sinasabi sa akin na mag aaral akong mabuti na siya namang ginagawa ko. Kaya lang, dahil sa katangahan ko, nangyayari ngayon sa akin ito. I can't believe it. Dahil sa pagpapabaya ko, masisira ang pangarap ni daddy na makapagtapos ako ng kolehiyo, masisira ang kinabukasan ko. Higit sa lahat bakit sa

dinamirami ng lalaki sa party na iyon, si Harve pa? Bakit ang taong kinasusuklaman at worst enemy ko pa ang nakakuha ng aking virginity? And now, dinadala ko ang anak niya, ang bunga ng isang gabing pagnanasa. Tang'na!

Wala akong ibang ginawa kundi ang umiyak nang umiyak sa loob ng bathroom. I didn't expect it to be this way. Maya-maya ay narinig ko ang pagbukas at pagsara ng main door ng condo. Si Chloe na marahil iyon, baka hindi pumasok ang professor niya para sa kanyang huling klase sa hapon.

Isa ako sa mga nakatanggap ng scholarship kaya nakapasok ako sa university, at dahil wala na kaming bahay dito sa manila, nakikitira nalang ako sa condo ni Chloe. Siya lang ang pinakamalapit kong pinsan sa side ni Mommy dahil lahat sila ay matapobre. Nang magsimula kaming bumulusok pababa, hindi na kami nagkaroon ng papel sa mga kadugo ni Mommy. Iniotsapwera na nila kami na tila ba hindi nila kami kadugo at wala kaming nai-ambag sa buhay nila nang mga panahong marami pa kaming pera.

*Knock… Knock…*

“Hey, Rain…" narinig kong tawag ni Chloe sa akin mula sa labas ng pinto ng cr. "Kailan mo ba balak pumasok? Wanted ka na sa school. Ang daming naghahanap sa 'yo, alam mo ba iyon? At alam mo rin bang hinarang ako kanina ni Jordan, "yong kaibigan ni halimaw? Kinailangan ko pang magsinungaling sa kanilang dalawa para lang tantanan nila ako. Ano ba kasi ang nangyayari? I don't know, but I definitely feel that something is off between you and halimaw.”

Napabuga ako nang malakas na hangin. Hindi ko sinabi kay Chloe ang nangyari sa akin sa birthday party ni Chesa. Hindi rin naman niya ako kinulet dahil hindi naman ugali ni Chloe ang makialam sa buhay ko. Pero mukhang masyado ko na siyang pinag-aalala ngayon kaya hindi na niya natiis at kinausap na ako.

Tumayo ako sa toilet bowl. Huminga ako nang malalim bago binuksan ang pinto ng bathroom. Nagulat siya nang makita ang hitsura ko at mas ikinagulat nito ang hawak kong tatlong PT na may dalawang pulang linya.

“Oh, my God, Rain! Buntis ka?” Hindi makapaniwalang bulalas niya na ikinatango ko. Humikbi ako dahil parang ang hirap tanggapin angn nangyayari sa akin, “Hollysh*t! H’wag mong sabihin na kaya ka hinahanap ni Harve—" she paused then look at me, disbelieving. "You two had s*x?”

Pinamulahan ako ng pisngi sa tanong niya, at hindi ko alam kung bakit. I mean, galit ako sa sarili ko dahil nagpabaya ako, pero inaamin kung nag- enjoy naman ako sa company ni Harve ng gabing iyon. O baka na-enjoy at nag-init ako dahil sa espirito ng alak na nainom ko ng gabing iyon.

Tama! We had s*x because I was drunk.

“Teka nga lang, akala ko ba galit ka sa lalaking iyon? So' bakit? Paano nangyari yon?” Naguguluhang tanong ni Chloe na agad kong sinagot.

“I was drunk. Hindi ko alam kung anong demonyo ang sumapi sa akin at nagawa kong yayain at, mag-initiate ng s*x sa lalakeng iyon."

“Girl, demonyo talaga ang kalibugan. At ano to? Ikaw mismo ang nag-initiate? As in pati first move?" Nahihiya man pero tumango ako. "Wow! Just wow, rain! I never knew, that you were that wild. Ano? Malaki ba? Nasarapan ka ba? Pinatirik ba niya mga mata mo?"

"S-shut up, Chloe." Pagpapatigil ko dito dahil ayokong maalala ang nangyari nang gabing iyon. "Hindi na mahalaga kung nasarapan ba ako o pinatirik ba niya ang mata ko. The problem here is that I am pregnant and I don't want Harve to know that." Bumalik na naman ang frustration ko.

“And why is that? He has to know, Rain. Kayong dalawa ang bumuo sa batang nasa sinapupunan mo and yet gusto mong i-exclude ang ama niyan? Baka nakakalimutan mong hindi mabubuo ang batang iyan kung walang Harve na gumalaw sa 'yo, girl!"

Tama naman siya, ayoko lang ng gulo.

“Kilala ko si Harve, Chloe. Alam ko na kung saan hahantong kapag sinabi ko sa kanya ang pinagbubuntis ko. He is known to be a playboy in our universitry, right? Malamang sa malamang, hindi ko pa nababanggit sa kanya ang tungkol sa baby ay ipagtabuyan na niya ako." Ayaw ko mang maging negative, pero "yon ang katotohanan. Sa personality ni Harve; he is not the guy who wants responsibility. Ang alam lang niya ay ang makipaglandian at makipag-make out session sa kahit na kaninong babae na magustuhan niya.

“So, ano na ang plano mo? Ipalaglag mo ang bata?"

“Wait, what? No freaking way!" Mabilis kong tanggi. "I would never do that to my baby. Hindi ko man gusto ang tatay niya, never na sumagi sa isip ko ang ipalaglag siya. Hinding-hindi ko siya idadamay sa kasalanan ng tatay niya."

“Duh…” Chloe rolled her eyes. “May nalalaman ka pang ganyan, eh si Harve nga wala naman siyang kinalaman sa ginawa ng magulang niya sa magulang mo pero dinamay mo."

“I-ibang usapan naman iyan.” I stated the fact. Hindi naman dahil doon iyon kaya galit na galit ako sa kanya. His insulting words and how he bullied me.

“Whatever, Rain. So, ang plano mo ay hihinto ka sa pag-aaral para ipagbuntis iyang anak mo? May iba ka pa bang plano bukod d’yan?”

Nagbaba ako ng tingin sa hawak na PT at nahihirapang sumagot. “U-uwi na muna ako ng probinsya. Kakausapin ko si tiya Mara, baka doon muna ako sa farm niya.”

“Paano si tito? Sasabihin mo ba sa kanya?”

Tumango ako. “Alam kong magagalit si daddy, pero mas mabuti nang ipaalam ko sa kanya ang nangyayari kaysa sa iba pa niya malaman."

“Okay, how about Harve?”

Nag-angat ako ng tingin kay Chloe. “Ito ang ipapakiusap ko sa 'yo, Chloe. Huwag na huwag mo sanang ipaalam kay Harve ang tungkol sa pagbubuntis ko kahit na anong mangyari. Ayaw kong matunton niya ako."

“You know what? That’s sound so unfair to him, you know? He needs to know the truth. Kakailanganin mo din ng suporta lalo na sa pinansiyal na aspeto. Mayaman si Harve at hindi naman siguro niya ipagkakait iyon sa magiging anak niya."

Sunod-sunod akong umiling. “Kaya kong buhayin ang anak ko. Hindi na niya kailangan pang malaman ito. Tska, hindi na rin naman kami magkikita kapag nbakauwi na ako ng probinsiya."

“So unfair, Rain, but fine. Do whatever you want. Buhay mo naman iyan at you have the right to decide. Ang gagawin ko lang naman ay ititikom ko ang aking bibig, right?" Naniniguradong tanong niya na ikinatango ko. "I can do that for you. Basta ipangako mo sa akin na magiging okay ka, na magiging maayos kayo ng babay mo dahil kapag nalaman kong nahirapan ka--- ako mismo ang magsasabi kay Harve ang katotohanan. After all, kaya ka naman noiyang panindigan at ang baby mo, ikaw lang ang umaayaw."

Tipid akong ngumiti kay Chloe. Alam kung napaka-selfish nitong favor na hinihingi ko sa kanya. Ayaw ko lang na masaktan ang baby ko oras na ipaalam ko kay Harve ang dinadala ko at ipagtabuyan niya kami. Mas mabuti nang akuin ko nalang ang buong responsibilidad kesa mabigo ko ang baby sa sinapupunan ko. It's all my fault, kung hindi ko nilagok nang nilagok ang alak na binigay sa akin--- hindi ako malalasing at hindi ko siya susundan sa ikalawang palapag ng bahay.

Nang gabing iyon ay tumawag ako kay daddy. Gaya ng inaashan ko ay hindi ito natuwa at nagalit siya sa ibinalita ko. He cried at sinisi niya ang kanyang sarili. Nakailang ulit pa niyang itinanong sa akin kung saan ba siya nagkulang. Iyak lang ang tanging naisasagot ko. He did his part as a father, nasa akin ang problema. Hindi ko na mabilang kung ilang beses akong humingi ng sorry kay daddy. Basta ang alam ko ay habambuhay kong ihihingi iyon ng tawad sa kanya.

Nang mahimasmasan ay nagkasundo kami ni daddy na doon muna ako sa farm ni tiya Mara, gaya ng una kong naging balak. Dadalaw dalawin na lang daw niya ako kapag wala silang schedule sa pangingisda. Oo, pagkatapos mawala ang lahat sa amin ay naging mangingisda si daddy, katulad ng kapatid niya. Ang totoo niyan ay hindi naman talaga nakapagtapos ng high school si daddy. Nagkapera lang siya nang mapangasawa niya si mommy na mula sa may kayang pamilya. Binigyan sila ni lolo ng puhunan at iyon ang pinalago nilang mag-asawa. Ang kaso, nang magsimulang magkasakit si mommy ay unti-unti nang bumabagsak ang kabuhayan namin hanggang sa tuluyan nang nawala sa amin ang lahat-lahat pati ang ang bahay namin. Hindi na din kami nakabawi pa dahil diretso ang gamutan ni mommy hanggang sa hindi na din kinaya ng katawan niya at binawian na ito ng buhay. Until now, marami pa rin kaming utang na binabayaran.