Kabanata 72: Handle

MELDRID POV

Gaya nga ng sabi ng lalaki ay wala nga talaga si Leon sa bahay niya kagabi. Pagod akong humilig sa aking sasakyan ng makapag parking na ako sa labas ng kanyang kompanya. Marahan akong bumaba at tumingala sa mataas na palapag ng building.

Huwag nilang sasabihin sa akin ngayon na wala na naman ang boss nila dito.

Ano ba ang mga ginagawa niya sa mga nakalipas na mga araw? Kapag tinatawagan ko siya ay ni hindi manlang niya pinagkakaabalahang sagutin.

Pabalibag kong sinara ang pintuan ng aking sasakyan at prenteng naglakad papasok sa loob ng building nila. Agad naman akong binati ng mga security guard na nasa labas pati na ng mga iilang empleyado na nasa lobby.

Dumiretso ako sa 40th floor kung saan naroroon ang opisina ni Leon. At nang makarating ako sa tamang palapag ay agad kong nakita ang kanyang office secretary na nakaupo sa labas ng kanyang opisina.

Mukhang napansin niya yata ang pagdating ko kaya mabilis siyang tumayo at yumuko sa akin.

"Good morning, Miss.