Kabanata 75: Tired Leon

ALLYS POV

"Miss. Mariel, nandito po si Señorito Leon," sabi ni Lita sa akin.

"Talaga?" mabilis akong lumabas ng aking silid at nagmamadaling bumaba ng hagdan.

Hindi pa nga ako tuluyang nakababa ay nakita ko na agad si Leon na nakaupo sa sala namin dito sa loob ng bahay.

"Leon," tawag ko sa kanya na mabilis naman niyang ikinalingon sa akin.

Nang makita niya ako ay kaagad naman siyang napatayo mula sa kanyang pagkakaupo sa aming sofa.

Bumagal ang mga hakbang ko habang tinititigan siya ng mariin. Napansin ko ang pagod sa buo niyang mukha at hindi rin nakaligtas sa mga paningin ko ang nakakunot niyang noo. Na para bang may iniisip siyang malalim na bagay kani kanina lang.

"Bakit ka nandito? Akala ko ba ay bukas pa tayo magkikitang dalawa?" tanong ko sa kanya.

Kasi naman ay iyon nga ang napag-usapan namin kahapon.

Tuluyan na akong nakababa sa hagdan at nagulat pa ako nang agad niya akong sinalubong ng yakap. Mabilis namang nag-iwas ng tingin ang mga kasambahay na nasa pal