Kabanata 82: Scratch

ALLYS POV

Lumapit si Leon sa akin at nagulat na lang ako nang bigla niya akong sinikop sa kanyang mga bisig at kinarga. Halos napuno ng mga bulong bulungan anag kabuuan ng buong lobby sa pagtatanong kung sino nga ba talaga ako at kung ano nga rin ba talaga ang ugnayan ko sa amo nila. Kung bakit daw ba ako pinoprotektahan ni Leon.

Basi sa mga napapansin ko ay talagang hindi nga nila ako kilala. Walang nakakakilala sa akin dito. Ang tanong ay bakit? Bakit kaya walang nakakakilala sa akin dito?

Wala sa sariling napakapit ako nang mahigpit sa suot na damit ni Leon at doon sa matigas niyang dibdib ay ibinaon ko ang aking buong mukha. Hindi ko maiwasang alalahanin muli ang nangyari kanina. Kung papaano nila ako tiningnan sa mga mapanghusga nilang mga mata at kung paano din nila ako hindi tinulungan sa ginagawang pagsasabunot sa akin ni Meldrid. Walang kahit na sino man mula sa kanila ang umawat sa aming dalawa. Imbis na tulungan nila ako ay nanood lamang sila sa isang gilid na para ba