Kabanata 77: The Promise

ALLYS POV

Matapos ko nang makapag luto ay kaagad ko nang inihatid kay Leon ang mga pagkain na inihanda namin ni Nanay Tessy sa tray.

Tinulungan pa ako ni Lita na mabuksan ang pintuan ng aking silid dahil sa hindi ko magawa 'yon. Sapagkat may dala akong tray sa aking mga kamay.

"Salamat, Lita," sabi ko sa kanya ng makapasok na ako ng tuluyan sa mismong silid ko.

Tumango lamang siya sa akin at pagkatapos ay kaagad na niyang isinirado ang pintuan. Nilingon ko si Leon na nakahiga sa aking kama.

Tulog ba siya? Kung ganoon ay sobrang napagod talaga siya ngayon sa trabaho niya.

Maingat kong inilapag ang tray na dala sa bedside table at marahang ginising si Leon. Na mahimbing natutulog ngayon sa aking kama. Nakita ko pang yakap yakap niya ang aking kulay pink na unan habang natutulog siya.

Hindi ko tuloy maiwasang mapangiti. Para kasi siyang isang inosenteng gwapong bata na mahimbing na natutulog sa pambabaeng kama.

"Leon, gising na. Handa na ang pagkain mo," marahang bigkas k