Chapter 28: Accept.

Chapter 28: Accept.

Hindi agad ako nakatulog kagabi dahil siguro naho-homesick lang ako sa bahay namin sa probinsya. Kaya ang ginawa ko na lang ay nag-ayos na lang ako ng gamit at ilang mga dadalhin dahil may interview pa rin naman ako sa papasukan kong trabaho ngayong araw. Ako na rin nagluto ng agahan namin ni Mama. 

“Bakit ang aga mo ata nagising? Hindi ka ba nakatulog?” Tanong sa akin ni Mama pagkababa niya.

“Opo. hindi pa po ata sanay ang katawan ko rito sa bagong bahay natin.” Sagot ko at nilapag ang prinitong itlog.

“Siya maliligo muna ako ng makapag ayos na ng gamit. Maaga ka ba uuwe?” Tanong niya sa akin.

“Opo. pagkatapos po ng interview ko ay uuwe na po ako agad.” Sagot ko. Habang nagtitimpla ng kape niya.

“Magtext ka na lang at ipapasundo na lang kita sa Tito Ed mo. Para hindi ka maligaw.” Paalala sa akin ni Mama. Tama naman siya kasi kung tutuusin hindi ko pa talaga alam ang mga ganap rito. Mas lalong wala akong ideya kung paano mag commute rito lalo na at nasa big city ako ng Pilipinas.

Nagpunta na si Mama sa banyo para maligo, ako naman nagpatuloy na lang lumamon. Nagtingin ako ng mga posts sa social media bago na rin ang acc ko hindi ko na nga maalala kung may acc ba ako noon?

Scroll lang ako ng scroll hanggang sa may nakita akong news. 

Breaking News: Rage Suarez, balik Pilipinas sa kabila ng kanyang Hollywood career.

Yan lang naman ang bungad sa headlines. Sino ba yun? Jusko, pati ba naman pangalan ng mga artista hindi ko kilala o talagang pati yun ay kasama sa pagkawala ng memorya ko. Ewan hindi ko na alam ang gulo gulo. Kapag iniisip ko ng inisip ay sumasakit ang ulo ko to the point na isugod ako sa hospital tapos paulit ulit lang naman ang naririnig ko sa doctor. Lahat may kinalaman sa aksidenteng nangyari sa akin.

Mag aalas syete ng lumabas ako ng bahay. Hinihintay ko si Tito Ed kasi siya ang maghahatid sa akin at susundo.

Suot Suot ko ang erphones ko at nakinig na lang ng kanta.

Mayamaya pa ay dumating na si Tito Ed. Pinagbuksan niya ako ng pinto ng sasakyan. Ngumiti na lang ako dahil wala naman akong gustong sabihin sa kanya. Hindi ko pa naman siya ganun kakilala kung noon maaring kilala ko na siya ng husto pero ngayon hindi ko na alam.

“Alam niyo po ba ang address nito?” Tanong ko at pinakita ang address ng company na pagtatrabahuan ko.

“Oo hija, alam ko iyan. Sa isang channel network ka pala magtatrabaho.” Sabi niya at pinaandar na ang sasakyan.

“Opo,” ito na lang ang naisagot ko sa kanya. Nagsimula na siya magmaneho at ako naman ay tahimik lang dito sa tabi niya.

----

“Andito na tayo, hija.” Hindi ko alam na matagal na pala akong nakatitig sa labas. Napalingon ako ng tawagin ni Tito Ed ang pangalan ko.

“Nako sorry po. Sige po, salamat po Tito.” Paalam ako nagmadali na akong lumabas ng sasakyan. Dahil baka late na ako sa interview ko.

Dumiretso agad ako sa information desk para itanong kung saan ang HR.

“Miss good morning. Saan dito ang HR at office ni Mrs. Aimee Cruz?” Tanong ko sa kanya na nagli-lip tint pa, ang bata ng gamit natin teh ha high school yern?

“Sino po sila?” Tanong niya at talagang tinignan pa ako head to toe.

“Lexia Alicia Carmona, po.” Magalang kong sagot kahit hindi ko bet awra ni Ateng.

“Ikaw ba yung nag apply online at isa sa i-interbyuhin ngayon?” Tanong niya pa. Ate opo kaya nga po kita tinatanong diba.

“Saglit itatawag lang kita sa office ni Mrs. Cruz” nilubayan na niya ako ni-dial na niya ang isang telepono.

“Ms. Carmona. Sumakay kayo ng elevator hanggang 11th floor tapos liko kayo sa kaliwa, may makikita kayong pinakamalaking office doon at nakapangalan kay Mrs. Aimee Cruz kanina pa pala kayo hinihintay.” Shet sabi ko na nga ba ei.

“Nako salamat po.” Nagmadali na akong maghanap ng elevator may mga elevator pa akong nakita na “exclusive for artist only” tapos yung isa ay “for higher positions” naman so saan ako sasakay.

Walangyang company ito. Naglakad pa ako at nakita ko na ang “for employees and audiences” agad na akong sumakay doon. Walang elevator girl or something kaya naman agad ko ng niclick ang 11th floor. Yakap yakap ko ang mga folders ng requirement ko sinusubukan ko pa na i-mumble yung mga sinaulo ko pa last week na  mga sasabihin ko for this interview.

Sinamahan ko na rin ng dasal kahit hindi ako malapit kay Lord baka kasi pag bigyan ako ngayon. Since ngayon lang naman ako hihingi ng tulong ewan ko lang noon. Nakakahiya naman ang naisip ko shet.

*ting* 

Nang tumunog ang elevator napamulat na ako dahil ayan na…

Sinunod ko naman ang sinabi ni Ateng information, kaya agad kong nakita ang office ni Mrs. Cruz.

Pagpasok ko nandon ang iilang employee rin nakita ko na agad si Mrs. Cruz na mukhang may ginigisa na applicant joke.

“Is Ms. Carmona already here?” Mrs. Cruz shouted my name. Lagoat..

“Ma’am yes po.” Muntik pa akong sumigaw nung sumagot ako.

“Come here.” Pumunta ako sa harap niya at nilapag ko na rin sa mesa ang mga folders ko. 

“So, Ms. Carmona, do you have any experiences about broadcasting?” Lagot na alam ko isasagot ko rito ei?”

“Yes Ma’am because I experienced being on an OJT to a local radio station.” Napatango na lang siya sa sinagot ko at pinagpatuloy lang ang pagbabasa sa mga credentials na dala ko.

“Why should we hire you?” Tanong niya. Dahil kailangan ko po ng pera charosss hahaah.

“One thing is for sure Ma’am because I am capable--

“Yung hindi mo sinaulo.” Singit niya sa pagsagot ko.

Huminga ako ng malalim bago sumagot.

“For me this is the best fit to start a new one. I suffered from anterograde amnesia. That's why having this job if you hire me, Ma’am would be definitely a new start for me po.” Yan na lang ang sinabi ko para naman at least honest ako sa part na yan ano.

“May I ask where you get that kind of illness?” She asked, mosang din itong si Mam. Charing lang ano!

“Ahm. I was involved in a huge accident 7 years ago. That’s the only thing I remembered po.”

Hindi ko na dinagdagan pa dahil wala na naman akong maidadagdag pa. Muli niya akong tinignan ganun din ang mga credentials ko. Nag hihintay na lang ako ng itatanong niya kung sakali.

“Pwede ka ng maupo tatawagin ko na lang mamaya ang maha-hire at hindi.” Tinabi niya ang credentials ko after niya iyong sabihin.

Naupo naman ako sa mga chairs dito. Medyo iilan lang din pala kaming nag-apply, tahimik na lang akong naghihintay na sana matawag ang name ko. 

Nilalamig na rin ako sa kaba o baka dahil malamig talaga ano dahil may AC dito sa opisina.

Ilang oras din ang hinintay namin dito at talagang yung isa umiyak kasi kinabahan ang ending pinalabas ni Mrs, Cruz grabe din naman kasi first time din ata tulad ko.

Mayamaya pa ay tumayo na si Mrs, Cruz kaya tumayo na rin kami.

“Okay, all of you are hired. But wait bago kayo magsaya dadaan muna kayo sa training mga two to three weeks lang naman yun. Bahala na ang mga staff production na ituro sa inyo lahat. Okay, then may payment kayong makukuha sa loob ng 2-3 weeks na yun. Bago kayo sumabak sa tunay na trabaho after niyo macomplete ang training weeks. That’s all for now. Ingat kayo pag uwe. Magsisimula na bukas gets. Alright, dismissed.” Nakahinga ako ng maluwag sa sinabi ni Mrs, Cruz shocks ang cool dito.

“Ibig sabihin ba nun ay makakakita na tayo ng artista araw-araw?” Tanong ng kasamahan ko sa kasama niya rin.

“Siguro, sana naman makita ko si Jen Constantine.” Sagot nung kasama niya.

“Ako ang gusto kong makita ay si Rage Suarez.” Sabi ni ateng na kinikilig pa.

“Oo nga lalo na nasa Pilipinas daw siya ngayon, grabe no ang tagal niya din sa America.” Bakit ba kailangan ko marinig ang kwentuhan nila. 

Nakasabay ko pa nga sila hanggang sa elevator.

Paglabas ko ng company ay ni-dial ko na agad si Mama para magpasundo kay Tito Ed.

“Ahhhhhh----” Rinig kong hiyawan ng mga tao nagpipindot lang ako sa cp nang bigla silang nagdatingan at banggain ba naman ako.

“Sandaliiii----” Sigaw ko, pero alam kong hindi nila ako narinig dahil sa sobrang dami nila. I knew it mga fan girls itong mga ito.

“Rage~~~~~” Ano ba ang nalunok ng mga ito at ang lalakas ng bunganga daig pang lumaklak ng microphone, sana okay pa sila.

Buti na lang talaga at mahigpit ang hawak ko sa cp ko kaya hindi ko mabitawan.

“Tabi!” Isang boses ng lalaki ang malakas na humiyaw at naka-agaw pansin sa mga fangirls na to. Nilingon nila yung sumigaw kahit ako ay napalingon na rin. 

Matangkad siya at medyo moreno na lalaki. In all fairness naman at masculine siyang tignan bes. As in putok na putok ang biceps at chest ni Kuya mo talagang hapit na hapit sa soot na uniforme. Napalunok na lang ako ng magtama ang tingin naming dalawa. Umiwas agad ako ng tingin kasi baka mafall sa akin si Kuya niyo.

“Okay ka lang ba?” Sabi niya ng makalapit siya sa akin. Nagtinginan yung mga bata na may hawak ng banner nila bakit ba kasi sa pinaka harap pa ng building nagkaroon ng ganitong eksena at bakit ako involved?

“Ah, okay lang ako hehe!” I awkwardly laugh masyadong intense ang tingin nung mga bagets ano meron?

“Kevin.” Rinig kong sigaw ng isa pang lalaki din.

Sabay kami ni Kuyang hot na napatingin sa kanya. Mas lumakas ang bulong bulungan na naririnig ko sa mga fangirls.

“Let go of her.” Utos ni kuyang kararating lang.

Binitawan naman ako ni Kuyang hottie at umusog siya ng konti para makita ako ni Kuyang kararating lang.

May kakaiba sa kanya dahil ngayon lang naman kami nagkita pero iba ang dating niya sa akin. Para bang naririnig ko ang boses niya pero hindi ko alam kung saan at kelan, basta pakiramdam ko nagkita na kami. 

“Love.” 

Isang boses ang tila naalala ko habang nakatingin ako sa kanya. Hindi ko alam ang nararamdaman ko ngayon. Sino yun at kaninong boses yun?

“Rage!” Tawag ng isang matanda dun kay kuyang nasa harapan ko ngayon. Halos walang gumagalaw sa position naming tatlo maging yung mga fangirls hindi din masaydo nagsasalita. Hindi ko alam kung star studded sila sa artista o dahil bet lang nilang huwag mag ingay dahil nakakahiya sa crush nila.

“Let’s start.” Sigaw nung Director ata yun.

“Coming!” Sigaw nitong si Rage.

Nilingon niya si hottie guy na nasa likod ko. Tinignan niya din ako ng matagal bago siya tumalikod at umalis na. Tumakbo naman ang mga fangirls niya pero agad silang hinarang ng mga body guards.

“Sorry, ako nga pala si Kevin, Kevin Lavin.” Pagpapakilala ni kuyang hottie. Gosh masyado naman ata akong pinagpala ngayon.

“Ah, hindi mo naman kailangan magsorry ei. Ako nga pala si--

“Lexia.” we said in chorus. Gosh, so it means na kilala niya ako.

“Kilala mo ako?” Tanong ko sa kanya.

“Ahm. Yes to be honest we’re actually friends before the accident.” Sabi niya pero napahawak pa siya sa batok habang sinasabi yun. Mukha siyang mahiyain.

“Uuwe ka na ba? May sundo ka ba?” Grabe naman ngayon nga lang uli kami nagkita ei. 

“Meron may sundo ako.” Sagot ko sa kanya. Tumango na lang at mukhang nag iisip ng pwedeng sabihin.

Halata ko na may sasabihin na siya nang biglang bumusina si Tito Ed.

“Lexia hija, tayo na.” Tawag niya sa pangalan ko.

Sabay kaming napalingon ni Kevin kay Tito.

“By the way, here’s my calling card just in case you want to hang out with me again.” Tinanggap ko naman yun. Looking forward din ako makasama siya ano. Totoo nga ata talaga ang sinabi ni bakla na maraming daks raw rito. Hahhaha

“Sige tawagan na lang kita if ever, see you!” Paalam ko sa kanya.

Ramdam ko pa rin ang tingin niya sa akin ng makasakay ako papasok ng sasakyan ni Tito.

Pagsakay inaasahan kong magtatanong sa akin si Tito pero hindi mukhang hinayaan na lang niya ako sa buhay ko.

Nang makarating ako sa bahay ay kumain muna ako dahil lunch na at tutulungan ko pa si Mama na mag ayos at maglinis nitong bahay. Kung ano-ano ang sharing sa akin ni Mama na lumaki daw itong bahay namin. Mas lalo din daw lumawak dahil pinaayos daw ni Tito Ed. 

Ako naman nakikinig lang ano.

Sinulit ko na ang pagod ko at nakuha ko pang maglaba ng kurtina. After noon ay na isipan ko muna matulog.

“Lexia kakain na!” Nagising ako sa aking alarm clock wanna be si Mama.

Gabi na pala hindi pa ako aware.

Pagbaba ko ay kami lang ni Mama at wala si Tito Ed.

“Asan jowa mo?” Tanong ko sa kanya. Para naman kasi silang magjowa.

“Umuwi muna kukuha ng damit.” Luh, walang reaksyon sa paintriga kong jowa niya yun.

“Legit jowa mo yun?” Taka kong tanong sa kanya.

“Kung hindi ka nagka-amnesia ay hindi ganyan ang reaction mo. Matagal na anak. Okay lang ba sayo?” Tanong niya sa akin pero alam kong mahalaga sa kanya yung tanong na yun.

“Oo naman Ma. Bakit noon ba hindi ko siya gusto?” Taka kong tanong dahil malay mo hadlang pala ako sa lovestory nla noon.

“Hindi pumayag ka na nga noon pa ei. Mas kinabahan lang ako ngayon kasi baka magiba na ang opinyon mo.” Malumanay ang boses niya habang sinasabi yan.

“Ganun ba Ma. Mukha ka naman masaya ei edi sige go na lang.” Hinalikan niya ako sa noo at naghanda na ng pagkain ko. Ako naman inaantok pa. 

“May bisita ka ba?” Tanong ni Tito Ed nang makapasok na sa loob ng kusina, kararating lang.

“Wala naman bakit?” Tanong ni Mama.

“May sasakyan kasi nakaparada lang sa labas akala ko nga may bisita kayo.” Pagpapaliwanag niya.

“Lexia, icheck mo nga.” Utos ni Mama. Kaya naman ay tumayo na ako para tingnan kung totoo ngang may tao o wala.

Pero pag labas ko wala namang nakapark na sasakyan. Wala naman akong nakikitang kotse rito.

Bumalik uli ako sa loob.

“Tito, Mama wala naman pong kotse sa harap ei.” Sabi ko at umupo na sa lamesa.

“Siya baka nagkamali ng bahay na napuntahan. Halika na kain na tayo.” Sabi ni Tito at agad na rin naman akong lumamon since lamunera ako ano.

Nauna na akong umakyat dahil napagod ako today.

Nag ayos muna ako ng sarili, naglinis ng katawan ang aking night routine kahit minsan ay napipilitan akong gawin. 

Nag Scroll muna ako sa social media ko para dalawin ng antok.

Pagbukas ko ng f******k ay mga post ng dati kong kaibigan sa probinsya ang bumungad sa akin. Nakakamiss tuloy doon.

Nag Comment at reacts ako sa mga post nina badeng.

Hanggang sa may nag pop up sa notification ko na, ‘friend request’ tinignan ko kung sino iyon. 

‘Kevin Lavin sent you a friend request’ 

Ito ba yung hottie kanina? Pero bago ko i-accept stalk muna ano.

Kevin Lavin.

Civil Engineer

L

Ay may pa initial pa ng jowa sa bio. Niclick ko na yung ‘accept’ since engineer naman pala. Hindi ko na tinignan pa ang mga posts niya dahil baka mainggit lang ako chars…

Nagpatuloy na lang ako sa pag ‘haha’ ng mga memes na nakikita ko. Hanggang sa may mag message sa akin sa messenger.

From Kevin: Ni-accept din ako ni Ganda.

Bakit ako nakangiti?