Chapter 34: Controversies

Chapter 34: Controversies

Isang araw lang naman ako nag stay sa hospital. Lumabas na din agad ako dahil may trabaho pa at sayang lang din naman ang pera kapag nag stay pa ako ng matagal doon. Sinundo ako ni Mama at Tito Ed, gusto pa sana ako ihatid ni Kevin pero hindi na ako pumayag ewan ko ba after umalis ni Rage ay bigla ako nasaktan. Mixed emotions ang nararamdaman ko dahil unang una ay hindi ko alam kung paano sila tatanggapin. Hindi ko na nga matandaan kung paano ko sila naging kaibigan higit sa lahat ay nahihiya ako makipag halubilo sa kanila dahil mukhang ang yayaman na nila lahat.

Pakiramdam ko maaa-out of place ako pag sumama pa ako sa kanila. Ayoko naman na mag mukha akong engot dun lalo na at halata sa kanila na may napatunayan na. May mga naging trabaho rin naman ako sa probinsya namin yun nga lang ay hindi rin ganun ka laki ang sahod.

Kaya gusto kong pag igihan ang trabaho dito sa Manila, gusto ko rin makapag publish ng libro isa din kasi yun sa pangarap ko.

Panibagong araw na naman at papasok na uli ako sa network.

Medyo unti-unti na akong matutong mag commute buti na lang talaga at nasasanay na katawan ko.

Wala si Mama ngayon nasa lugar ni Tito Ed kaya ako lang ang naiwan dito. 

Paglabas ko ng gate balak ko na sana mag book ng grab since maaga pa naman, nagulat na lang ako na may nakaparada na sasakyan.

Hindi ko dapat papansinin dahil baka sa kapitbahay lang ang sasakyan at nagkamali lang ng parada.

Hanggang sa makita ko ang may-ari ng sasakyan.

Si Kevin.

May dala pa siyang kape mukhang bumili pa sa tabing kalsada ng kape niya.

“Ganda, ganda natin ngayon a.” Bati niya sa akin habang papalapit sa kinatatayuan ko.

“Good morning.” Pagbati ko sa kanya ng magtapat na kami.

“Sabay ka na sa akin, dinadaanan ko lang naman ang TV network niyo kasi malapit yun sa company namin.” Pang-aalok niya.

“Kaya ko naman mag commute ei.” Sabi ko ayoko naman na basta na lang siya tanggihan.

“Ito naman oh parang hindi kaibigan, sige na. Baka mamaya mapano ka pa sa daan ei.” Sabi niya pa. 

Sasagot na sana ako ng biglang may huminto sa tapat ng bahay namin na isang artista van, pamilyar na ako sa ganitong uri ng sasakyan dahil madalas ko itong makita sa network.

“Sakay.” Malalim ang boses ni Rage ng sabihin yun.

“Hinay hinay naman brad ako naman nauna a,” Sabi ni Kevin at humigop ng kape niya.

“Pareho na rin naman kami ng pupuntahan kaya maiging isabay ko na.” Sagot ni Rage at mas malalim ang boses nito. Napatigil si Kevin sa sinabi ng kausap, sabay ngisi.

“Back in the days lang. Hanggang ngayon agawan?” Kevin said while smirking.

Nakita ko ang pag galaw ng panga ni Rage at biglaang pagyukom ng kamao niya. 

“Bakit? Nagba-baka sakali ka ba?” Sagot ni Rage na nakangising nang-aasar.

“Huwag mo rin akong simulan, Kevin.” Dagdag pa ni Rage.

Hindi ko alam bakit parang ang intense ng usapan nila o sadyang hindi lang ako makarelate.

“Ah. Magco-commute na lang ako.” Sabi ko sa dalawa. Sabay naman silang napatingin sa akin dahil sa sinabi ko.

“No, sabay ka na sa akin.” They both said in chorus.

“No, It’s better na mag commute na lang.” Sabi ko at umalis na baka mamaya ay mamilit pa sila. Buti na lang at habang naglalakad lakad ako ay may nahagilap na akong taxi.

Pagkasakay ko ay eksaktong nakikinig si Manong ng balita.

“Breaking News— Presidential aspirant and former congressman Achilles Suarez is now under arrest for tax evasion, plunder and a drug lord he is now on investigation for his crime according to the NBI. The presidential aspirant is caught off guard for accepting a bunch of drugs from a Chinese politician. But the Chinese politician still remains confidential for now. Said by Chief of Police De Castro, due to the controversy Suarez illness in his heart disease rise and he has to be in house arrest for now.” 

Si Rage yun agad ang pumasok sa isip ko.

Kaya ba siya nagmamadali sa hospital.

“Mga politiko talaga dito sa Pilipinas napa-sobra na sa kapangyarihan ayaw na lang manilbihan ng maayos, sila itong inihahalal ng mga mamamayan sila itong kurap.” Komento ni Manong Driver sa narinig niya.

Hindi ko na lang siya pinansin dahil masyadong mabigat ang issue.

—-

Nang makarating na ako sa TV network ay kita ko na agad ang mga reporter na nagkalat dahil siguro sa isyu ng Tatay ni Rage.

“Ano kaya ang reaksyon ni Rage rito?” Dinig kong sabi ng isang reporter sa katabi nito.

Hindi sumagot ang kasama nito at busy sa pag-aayos ng kamera niya, baka nga naman kasi hindi makuhanan ang taong inaantay nila rito. Papasok na ako sa building ng biglang nagkagulo, mukhang dumating na ang sasakyan ni Rage.

“Rage any comment about your Father’s controversy?” 

“Rage, how are you feeling right now, knowing that your Father is a corrupt Politician?”

“Rage, did you know any of your Father’s plans?”

“Rage, have you talked to your Dad?”

Ilan lang yan sa mga tanong nila kay Rage, dire-diretso lang ang lakad niya hanggang sa makasakay sila ng elevator. Tinignan ko ang elevator na sinasakyan niya bago ito tuluyang magsara nagkatitigan kaming dalawa.

“Lexia-” May narinig akong boses na tumawag sa akin.

“Hello, ako ‘to si Ali.” Dagdag pa nito. Lumapit ako sa kanya nag hihintay pala siya rito sa lobby.

“Hello.” Bati ko din sa kanya.

“Napadalaw lang ako kasi gusto kong makita kung okay ka na.” Sabi niya sa akin at inabot ang isang gift.

“Naku, nag-abala ka pa ha.” Sabi ko sa kanya, at nahihiyang tinanggap ang gift na bigay niya.

“Salamat nga pala sa pagdalaw.” Sabi ko.

“Wala yun isa pa, dadaan din naman talaga ako rito kasi si Ji iniwan ko muna kay Jen. May pupuntahan lang akong importante ei.” Sabi niya sa akin. A, dinaan lang pala si Ji.

“Nasan siya?” Tanong ko.

“Nandun na sa studio niyo ni Jen.” Sagot niya sa akin.

“Sige ha, tsaka na tayo magkwentuhan ng matagal. Aalis na ako. Bye see you, love you.” Nagbeso kami medyo nakakapanibago pero okay lang. Nung umalis na siya ay tsaka na ako sumakay sa elevator.

Pero nakatanggap ako ng text sa isang unknown number.

“Lunch tayo, libre ko.” -Kevin

That's what the text says.