Chapter 16

Pagkalabas niya mula sa kuwarto ni Drake ay sinalubong kaagad siya ni Diego na makakasama niya muli buong araw habang nasa kompanya si Drake kasama ang personal assistant nito na si Dan. Nakangising binati siya ni Diego ng magandang umaga. Ganoon rin naman ang ginawa niya dito. Binati niya rin ito.

"Nasaan na ang boss mo?" mahinang tanong ni Rizza kay Diego. Ang tinutukoy nito ay si Drake na boss niya at wala nang iba pa.

Kaagad naman na sumagot sa kanya si Diego sa tanong niya kung nasaan na si Drake. "Nakaalis na po sila ni Dan patungo sa opisina ng kompanya na pinapatakbo niya. Mag-iisang oras na siguro nang umalis sila. Sabi niya po sa akin ay pagkagising mo raw ay kumain ka na po ng breakfast. Nakahanda na po kanina ang breakfast n'yo doon sa baba," sagot ni Diego sa kanya dahilan upang mapatango-tango siya.

"Kakain na ako, huwag kang mag-alala, Diego. E, ikaw? Kumain ka na ba, huh?" tanong ni Rizza sa kanya.

"Opo. Kanina pa po ako kumain ng breakfast. Ikaw na lang po ang hindi