CHAPTER 7

Dumating si Brett at masama na agad ang tingin nito sa mga lalake.

Pilit namang binawi ng lalake ang kaniyang kamay saka tumingin kay Thyra.

"Get your sh*t out of my face," may awtoridad na sambit ni Brett saka tumabi kay Thyra.

Hindi naman nila ito matignan. Ilang sandali pa ay nagmadali na silang umalis doon.

Masama naman ang tingin ni Thyra sa kanila habang palayo ang mga ito.

"Let's go home," aya ni Brett sa kaniya. Tumingin pa muna saglit si Thyra sa papalayong sasakyan ng mga lalake saka sumunod sa kaniya.

Agad na nagtanggal ng facemask at shades si Brett nang makasakay sila sa sasakyan niya.

Hindi pa rin umiimik si Thyra habang nagmamaneho si Brett. Nakatingin lamang ito sa labas ng bintana at nakakunot-noo.

Napatingin sa kaniya si Brett at napansin niyang wala siya sa mood.

"We'll take out some food," wika niya.

Lumingon naman agad si Thyra sa kaniya.

"Sige po."

Dumaan sila sa isang fastfood chain at nag-drive-thru.

Nang makauwi sila ay agad na niyaya ni Brett si Thyra upang kumain.

"Eat," wika niya saka iniusog sa harapan ni Thyra ang fries at burger.

"Thank you po," malumanay na sagot nito saka kumain.

Habang kumakain ay napatingin si Brett sa kaniya ngunit abala siyang kumakain.

Magsasalita pa lang sana si Brett, ngunit nagpaalam na si Thyra na umakyat muna sa kaniyang kuwarto upang magpalit ng suot.

Ilang beses na huminga nang malalim si Thyra nang makapagpalit siya ng damit saka naupo sa kaniyang kama bago bumaba.

"Bakit naman sinabi pang wala si Mama—"

Napatigil siya sa pagsasalita nang biglang gumaralgal ang kaniyang boses at sumakit ang kaniyang dibdib.

"A-Ang hirap naman ng ganito. Pati ina mo ay idadamay nila, may masabi lang," mahinang saad niya at tumingala siya para pigilan ang pagpatak ng kaniyang luha, ngunit tumulo pa rin iyon.

Mas lalo siyang napaiyak nang maalalang hindi man lang nila alam kung saan nakalibing ang kaniyang ina dahil ayaw itong sabihin ng kamag-anak ng Mama niya.

Kumuha siya ng tissue saka pinunasan ang kaniyang mga mata.

"K-Kaya ko 'to. Kaya naman ni Papa," pagpapalakas niya sa kaniyang kalooban.

Tumango-tango siya saka huminga nang malalim bago bumaba.

"What did they say?" Tanong ni Brett habang kumakain sila.

Napatigil naman siya sa pagnguya at napatingin sa kaniya.

"Po?"

Uminom siya ng tubig at binigyan ng atensyon si Brett.

"What did they say to make you slap them?" Tanong ni Brett saka pinunasan ang kaniyang bibig.

Napalunok naman siya.

"S-Sinabihan po kasi nila akong iniwan ako ni Mama," mahinang wika niya.

Napatigil naman si Brett.

"Pero p-patay na po siya. Nawala po siya noong 7 years old pa lang po ako," pagpapatuloy ni Thyra.

Napakunot-noo si Brett nang malaman iyon.

"That's how immature teenagers nowadays?"

Hindi naman umimik si Thyra at pilit na inaalis sa isip ang sinabi ng mga lalake.

"Do they always do that?"

Umiling si Thyra.

"Hindi naman po ako masyadong nakikipag-usap sa kanila."

Tumayo na siya at inayos ang pinagkainan nilang dalawa.

"You know, we need to protect our peace," sambit ni Brett at tumayo na rin.

Napatingin naman si Thyra sa kaniya bago ito lumabas mula roon.

‘Tahimik naman ang buhay ko.’

Naglakad-lakad siya sa balcony ng kaniyang kuwarto at naalala ang kaniyang ama kaya niya ito tinawagan.

"Malungkot ka ba? Gusto mo na bang umuwi?" Tanong ng kaniyang ama.

"Hindi naman po. Ako pa ba?" Natatawang saad nito ngunit agad din siyang nalungkot.

"Sa bagay, ikaw si Thyra. May gusto ka bang sabihin, anak?"

Umayos naman siya ng pagkakaupo.

"Wala pa rin po bang balita kung nasaan ang puntod ni Mama, 'Pa?"

Napabuntong-hininga naman ang kaniyang ama mula sa kabilang linya.

"Wala pa, 'nak. Hindi bale, kapag may oras ako—"

"Papa, huwag mo silang pilitin. Baka kung ano na naman ang sabihin nila sa'yo. Darating din tayo riyan," wika ni Thyra.

Hindi naman ito umimik.

"Pasensya na po kung makulit ako," sambit ni Thyra saka nagpunas ng kaniyang tumulong luha.

"Hindi ka naman umiiyak, Thyra?" Nag-aalalang tanong ni Thyrone.

"Hindi po. Sinisipon lang ako kasi malakas ang aircon dito," pagsisinungaling niya.

"Okay ka naman ba riyan?"

"Opo. Basta, 'Pa, hanapin na lang po natin ang puntod ni Mama kapag graduate na po ako. Para kahit papaano ay may maipagmalaki ako sa kaniya."

Kahit 7 years old lang siya noong mawala ang kaniyang ina ay wala itong maalala tungkol sa kaniya sa paglipas ng panahon.

Napapikit si Thyra at pilit na namang inalala ang kahit ano'ng alaala niya tungkol sa ina.

Kinabukasan ay seryosong naglilinis si Thyra sa balustrade sa second floor.

Ginanahan siyang maglinis dahil pa rin sa nangyari kahapon. Kunot-noo niya pinupunasan nang madiin ang balustrade habang bumubulong at hindi napansing naluha siya sa inis.

"Maid!"

Napakunot-noo siya nang marinig ang boses ni Brett mula sa baba.

"Lagi na lang 'maid'. May pangalan naman ako," sambit niya saka bumuntong-hininga.

Nagpunas siya ng kaniyang luha saka humarap upang puntahan si Brett.

"Thyra Haze."

Napatalon siya nang bahagya nang pagharap niya ay nandoon na si Brett.

Napalunok naman siya at napahawak sa balustrade.

"Clean my office," utos nito saka umatras habang nakapamulsa.

"S-Sige po," wika ni Thyra saka umayos ng tayo.

"You're the only person I know with that name," komento ni Brett saka inayos ang halaman sa lamesa.

Napangiti naman si Thyra.

"Unique po kasi ako," natatawang saad niya saka inayos ang kaniyang panlinis.

"Oh, stop it," wika naman ni Brett saka tumingin sa kaniya na parang napupuno na ito sa kaniya.

"Luh? Palibhasa napaka-common ng Brett Leo," tumatawa pa ring sabi ni Thyra.

"Don't say my name like that," awat naman nito.

Lumabi naman si Thyra.

"Sorry po."

Nang tumalikod na si Brett ay hindi niya napigilang ngumiti dahil sa mukha nito kapag napipikon.

Agad siyang nagpunta sa office nito upang magsimulang maglinis.

Namangha siya nang mapansin ang marami nitong certificates at trophies sa gilid ng pintuan. Hindi niya iyon napapansin dati dahil hindi siya basta-basta pumapasok kapag walang inuutos si Brett.

May mga litrato rin si Brett sa iba't ibang pinuntahan nito na nakadikit sa pader, at tinignan iyon isa-isa ni Thyra.

May picture din siyang naglalaro ng billiard at basketball.

"Ay. May appeal siya lalo rito," saad niya nang makita ang litratong nakasuot ito ng jersey shorts at shirt.

Tumango-tango siya nang makita ang malaking katawan nito.

"Sporty rin pala siya. Halata naman sa katawan niya," komento niya.

Napangiti siya nang makita ang baby picture nito sa itaas ng maliit na cabinet at kinuha iyon.

"Hindi siya leon dito. Isa pa lang siyang kuting. Ang cute naman ng baby Brett na 'yan," nakangiting saad niya.

Inilabas niya ang kaniyang cellphone at kinuhanan iyon ng litrato.

"Magagamit ko 'to kapag inaway niya ako," natatawang sambit niya.

Agad niya rin iyong ibinalik at tinignan muli ang mga pictures.

"Huwag kang tumandang binata, sayang ang itsura mo. Itsura lang, huwag na ang kasungitan mo," bulong niya.

Nagsimula na siyang maglinis at iningatan ang bawat gamit ni Brett sa loob.

Mag-aalas syete na ng gabi nang matapos siya, kaya nahiga siya saglit sa sofa at hinawakan ang likod.

"Mabuti na lang at may aircon," wika niya saka tinignan ang kabuuan ng office.

Napaupo siya nang biglang namatay ang ilaw doon.

Kinapa niya ang kaniyang cellphone at binuksan ang flashlight nito.

Inayos niya muna ang mga ginamit niya saka tumayo ulit sa harapan ng mga litrato ni Brett habang hinihintay na bumukas ang ilaw.

"Hey."

Napatingin agad si Thyra nang magsalita si Brett sa may pintuan.

Lumayo naman agad siya roon at bahagyang lumapit kay Brett.

"There is no electricity, and the generator's not working," sambit nito habang nakahawak sa kaniyang cellphone na may flashlight din.

"Hindi pa po ako nakakapagluto," wika naman ni Thyra.

"Bumaba na tayo at magluto ka na. Cook a dish na mabilis lang maluto."

Nauna naman itong lumabas kaya agad na sumunod si Thyra.

Nailang siya habang nagluluto nang mapansing nakatayo si Brett sa gilid niya habang nakakrus ang mga braso. Tanging ang nakapatong na emergency light sa counter ang ilaw nila kaya mas lalo siyang nailang sa presensya nito.

"How did you learn to cook?" Tanong ni Brett.

"Magaling pong magluto si Papa, kaya nagpaturo po ako," sagot niya saka isinalin ang niluto niya sa lalagyan.

Napatingin siya kay Brett nang makitang siya ang nagsandok ng kanin sa kaldero.

"I ordered some solar panel. Sayang lang ang oras kapag walang kuryente," wika ni Brett nang umupo si Thyra sa kaniyang harapan.

Inayos na lang niya ang inilagay niyang emergency light sa pagitan nila.

Habang kumakain ay napatingin siya kay Brett.

‘Mukhang kaya ko nang magtrabaho rito nang hindi kinakabahan.’

"Napapadalas na ang pagsulyap mo sa'kin."

Nabilaukan naman si Thyra nang biglang mag-angat ng tingin si Brett sa kaniya.

"H-Hindi ko po sinasadyang mapatingin sa inyo."

"I'm used to it. Sometimes I have to cover my face so they don't recognize me," saad ni Brett saka uminom.

Napatingin naman si Thyra sa kaniya na parang hindi naniniwala at pinigilan ang pagtawa.

‘Ang hangin naman nito.’

"That's a con for being me."

Tumango-tango naman si Thyra saka tinakpan ang kaniyang bibig nang mapangiti siya.

"It's okay if hindi ka naniniwala. Hindi kita pinipilit," sambit ni Brett.

Natawa naman si Thyra sa pagpapaliwanag nito.

Tumango-tango na lang siya saka tinapos ang pagkain.

Nang matapos silang kumain ay nauna nang umakyat si Brett at naiwan naman si Thyra na naghuhugas.

Napatingin siya sa bintana at nakitang umuulan kaya binilisan niya ang paghuhugas.

"Ngayon pa talaga umulan," sambit niya saka napakunot-noo at pilit na nag-fofocus sa ginagawa niya.

Bigla siyang napatili nang kumidlat at malakas na kulog ang kasunod nito.

Pinatay niya agad ang ilaw nang matapos siya at ginamit ang kaniyang cellphone paakyat sa kaniyang kuwarto.

Mabilis niyang isinara ang pintuan patungo sa balcony ng kaniyang kuwarto.

Kahit malamig ay naramdaman niyang pinagpapawisan siya.

Napahawak siya sa lamesa saka siya napapikit.

"H-Hindi."

Napahawak siya sa kaniyang dibdib nang bumilis ang tibok ng kaniyang puso. Sumakit ang kaniyang ulo nang may lumitaw sa kaniyang isip na isang malabong alaala.

"M-Mama," d*ing niya.

Nanuyo ang kaniyang lalamunan kaya nagmadali siyang lumabas muli sa kaniyang kuwarto.

Napatili siya nang kumulog nang malakas at napatakip sa kaniyang mga tainga.

"What the hell! Why are you rushing?" Tanong ni Brett nang magkabanggaan sila habang tumatakbo si Thyra sa hallway.

"H-Hindi lang po ako makatulog, Sir," pagsisinungaling niya.

"You're sweating," komento ni Brett nang maaninag niya itong tumatagaktak ang pawis.

Tanging ang ilaw mula sa cellphone ni Brett ang nagbibigay liwanag upang makita nila ang isa't isa, sapagka't nakababa ang cellphone ni Thyra sa gulat.

Nanginginig naman si Thyra at mabilis ang kaniyang paghinga.

"What's happening? Are you afraid of lightning and thunder?" Kunot-noong tanong ni Brett.

Napalunok naman siya at dahan-dahang tumango.

Sinuri naman siya ng tingin ni Brett.

"Sleep in my room tonight."

"P-Po?" Hindi makapaniwalang sambit ni Thyra.