CHAPTER 1

"Can't she wait?" Tanong ng lalakeng naka-side view at nakakunot-noong nakaharap sa kaniyang laptop. May awtoridad at mababa ang boses nito.

‘Si Sir Brett nga talaga ito.’

Huminga nang malalim si Thyra.

Katabi nito ang ina ni Brett na si Leandra habang nakatayo sa balcony ng office nito.

"I'll just tour her around then," wika naman ng Mommy ni Brett. Hindi naman siya umimik.

Umalis na roon sina Thyra at ipinakita ni Leandra ang mga parte ng bahay ni Brett.

"Here's your room," sambit ni Leandra. Pumasok sila sa isang maluwag na kuwarto at kulay krema ang pintura nito sa loob. Mayroon din iyong balcony kung saan makikita ang pool sa ibaba at ang malawak na garden.

Ibinaba ni Thyra ang kaniyang gamit bago sila lumabas doon.

"You should be quiet when walking here sa hallway. Iisang room lang ang pagitan ng room niyo ni Brett. Heto ang room niya," turo ni Leandra sa isang malaking pintuan. Nasa pinakaunahan iyon, at nasa dulo naman ang kuwarto ni Thyra.

"Yes, Ma'am."

Tumango-tango naman si Leandra.

Pabalik na sila sa office ni Brett nang ilahad ni Leandra ang isang papel, nakasulat doon ang house rules at ang duties ni Thyra.

"You need to memorize all of these. He doesn't want anyone making mistakes."

Kinuha iyon ni Thyra.

"Sige po," nakangiting sagot niya.

"Now, I'll let you formally meet him," wika ni Leandra saka sila bumalik sa gawi ni Brett.

Muntik nang mabitawan ni Thyra ang hawak niyang papel nang marinig na may sinisigawan si Brett sa kaniyang cellphone. Napalunok siya nang lumapit sila sa kaniya.

"Take care of our son. He's having a hard time," bulong ni Leandra habang nakatingin sa kaniyang anak.

"O-Opo."

Naalala ni Thyra na nalugi ang negosyo ni Brett last year kaya malayo sa sentro ng siyudad ito nakatira, at nag-eskandalo ito sa isang restaurant matapos mapahiya, kaya umiiwas siya sa mga tao.

Umubo si Leandra upang kunin ang atensyon ni Brett matapos ibaba ang kaniyang cellphone, ngunit hindi man lang ito tumingin sa kanila.

"Brett, we'll leave now. I want you to meet Miss Thyra—"

"I'll just read her biodata. Did you teach her everything? I don't want a stupid maid," pamumutol ni Brett sa sasabihin ni Leandra.

Nabigla naman si Thyra sa sinabi nito.

"I told her everything. Kung may kailangan ka, just tell her."

"Good," tipid na sagot ni Brett.

Bumuntong-hininga si Leandra saka humarap kay Thyra.

"Aalis na kami. Remember what I told you. Send me a message if you need anything," paalam nito.

"Sige po, Ma'am. Thank you po," nakangiting sagot ni Thyra.

Nagpaalam muna ito kay Brett bago umalis.

Umayos naman si Thyra sa pagkakatayo at ngumiti kahit hindi nakatingin si Brett sa kaniya.

"Kung may kailangan po kayo, Sir, sabihan niyo lang po ako," wika niya.

Hindi naman sumagot si Brett at hindi man lang lumingon sa kaniya.

Napahawak siya sa ibaba ng kaniyang damit at dahan-dahang lumabas doon at nagtungo sa kaniyang kuwarto. Binasa niya ang house rules at ang mga gagawin niya habang nasa balcony.

Nasa ganoong sitwasyon siya nang magbasag ng beer mug si Brett sa poolside kaya napatingin siya.

Napakunot-noo siya habang nakatingin sa kaniyang boss.

"Grabe naman itong si Mr. Anger. Mukhang mauuna pa akong aatakihin sa puso bago magsimula," iiling-iling niyang sambit.

Nakapagluto na siya ng dinner nilang dalawa nang alas-siyete na ng gabi. Nakahinga siya nang maluwag nang magpunta na sa dining area si Brett dahil hindi niya alam kung tatawagin niya ito.

Bago magsimula si Brett ay napatingin siya sa gawi ni Thyra.

"What are you doing?" Tanong nito.

"P-Po?'

Napalunok si Thyra nang kumunot-noo si Brett.

"I don't want anyone watching me eat. Sit."

Agad namang naupo si Thyra dahil sa kaba.

Habang kumakain sila ay hindi makatingin si Thyra kay Brett.

"From now on, kumain ka kapag kumakain ako. I don't want to seem ruthless," sambit ni Brett habang kumakain si Thyra.

"Sige po, Sir."

"And don't let me repeat what I said," dagdag pa nito saka uminom ng tubig.

Sasagot pa lang sana si Thyra nang magsalita ulit ito.

"You must follow all my orders."

Pinilit naman ni Thyra ang ngumiti.

"Yes, Sir."

Kinabukasan ay maagang nagising si Thyra at nagluto na agad siya ng breakfast.

Napatalon siya nang makita si Brett na papalapit sa gawi niya.

"Breakfast po, Sir," saad niya.

Napalunok siya nang napakunot-noo si Brett.

"You did not read the form. You can't even do your job right!" Seryosong sambit nito.

"P-Po?"

"I don't eat breakfast, I only drink coffee," sagot ni Brett at hindi nagbago ang ekspresyon nito.

Napaawang naman ang bibig ni Thyra.

"S-Sorry po, Sir—"

"Eat all of that. This is your first warning. Isang araw ka pa lang, pero hindi mo magawa nang maayos ang trabaho mo," pamumutol ni Brett sa sasabihin niya.

"O-Opo," natatarantang sambit ni Thyra at kumuha ng plato.

"And cover yourself, you're too revealing. I can see it in my peripheral vision."

Nanlaki ang mga mata ni Thyra at agad na tinakpan ang kaniyang hinaharap. Nakasuot siya ng t-shirt na hapit sa kaniyang katawan kaya kitang-kita ang hugis niya.

"E-Excuse me po, Sir," nagmamadaling wika niya saka tumakbo paakyat sa kaniyang kuwarto.

Napapikit siya sa hiya at napa-facepalm dahil sa sinabi ni Brett.

"Hindi ako 'to. Hindi ako sanay na ipinapahiya. Pero nakakahiya nga," sabi niya sa kaniyang sarili bago nagpalit ng damit.

Agad din siyang bumaba at pinilit na inubos ang kaniyang niluto.

Habang naglilinis siya sa hallway ay narinig niyang may sinisigawan si Brett sa balcony.

Umiling-iling naman siya.

"Maid!"

Nanlaki ang mga mata niya kaya agad siyang pumasok sa office nito at natisod pa siya kaya hindi maayos ang pagtayo niya sa likod ni Brett.

"Water!"

Nagulat siya sa biglang pagsigaw ni Brett kaya nagmadali siyang kumuha ng tubig sa baba.

Pagkabalik niya ay muntik pang matapon ang tubig sa lamesa, ngunit hindi iyon napansin ni Brett dahil abala siya sa pagbubulyaw sa kaniyang cellphone.

"Do your work! What? Then do better!" Sigaw nito saka galit na pinatay ang tawag.

Nakatayo naman si Thyra sa likuran niya at naghihintay ng utos.

Napapikit si Brett at hinigpitan ang pagkakahawak sa kaniyang cellphone.

Pagkaharap niya ay nakangiti si Thyra sa kaniya ngunit hindi niya pinansin ito dahil sa galit.

"Stupid!" Umiigting ang pangang sambit ni Brett at ibinato ang baso na may tubig.

Napad*ing si Thyra nang tumalsik ang bubog at tinamaan ang kaniyang kanang paa.

Tumalikod naman agad si Brett at humawak sa balustrade habang nakakunot-noo.

Kumuha ng tissue si Thyra at pinulot ang mga bubog.

"Magluto ka na. I still have a lot to do," wika ni Brett nang humarap siya.

Nagbago ang itsura niya nang makitang tumutulo ang dugo sa paa ni Thyra habang nagmamadaling pinupulot ang mga bubog.

"Yes po, Sir," sagot ni Thyra at agad na lumabas nang matapos siya. Sinundan naman siya ng tingin ni Brett.

Inabala ni Thyra ang sarili sa paghuhugas ng mga nagamit niya habang nakaupo si Brett.

‘Mas gusto ko pang mag-present at gumawa ng papers, kaysa sa mag-alaga ng tigre. Kung hindi ko lang kailangan ng pera, magtatarayan kaming dalawa.’

"Wash quickly, and eat now," may awtoridad na saad ni Brett.

‘Tapos hindi pa makakain nang mag-isa.’

Nagpunas ng kamay si Thyra saka naupo sa harapan ni Brett.

Habang kumakain si Brett ay hindi naiwasang pagmasdan ni Thyra ang kamay nito. Maugat at mahahaba ang mga daliri. Napakunot-noo si Thyra nang mapansing may sugat ang isang daliri nito.

Iniangat niya ang paningin sa mukha ni Brett.

‘Ano ba ang ginagawa mo?’

Gabi na nang maisipan ni Thyra na magpunta sa balcony. Naupo siya at napatingala sa mga bituin.

Pinagkrus niya ang kaniyang mga braso at bumuntong-hininga.

"Hindi naman masamang maging katulong. Mas masama kung hindi ako ga-graduate ngayon. Kawawa si Papa," mahinang sambit niya.

Kinuha niya ang kaniyang cellphone sa lamesa at tinawagan ang kaniyang ama.

"Kumusta, anak?" Tanong ng kaniyang ama na si Thyrone mula sa kabilang linya.

Ini-relax niya ang kaniyang likod sa upuan at napapikit.

"Okay lang po ako. Hindi po madali rito. Sobrang laki ng bahay, at mag-isa lang po ako. Kayo po?"

"Okay lang naman ako. Eh, kumusta ang boss mo?"

Napangisi naman si Thyra.

"Masyado siyang masungit, 'Pa. Para sa isang 28 years old, hindi na bagay sa itsura niya."

Natawa naman si Thyrone.

"Mas masungit pa sa'yo?"

Napangiti naman siya saka umiling-iling.

"Magaling po siyang sumigaw kahit magkalapit lang naman kami," saad ni Thyra.

"Alam kong nahihirapan ka kasi hindi ka naman sanay na sinisigawan ka. Baka masungit lang siya kasi kailangan niya ng taong uunawa sa kaniya?"

Napaisip naman si Thyra saka huminga nang malalim.

"Paano ba mapapaamo ang isang leon?" Tanong ng kaniyang ama.

"Pakakainin ng karne," walang ganang sagot ni Thyra kaya natawa si Thyrone.

"Alam mo, 'Pa, bagay sa kaniya ang pangalan niya. Brett Leo. Leon siya."

Mas lalo namang natawa ang kaniyang ama.

"Intindihin mo na lang siya, anak. Alam mo naman ang nangyari sa kaniya noong nakaraang taon. Paniguradong masakit pa rin ang loob niya."

"Opo. Magtatagal po ako rito. Alam niyo naman po ang dahilan kung bakit ako nandito. Kaya kahit ano'ng mangyari, magpapasensya po ako," wika ni Thyra saka umayos sa pagkakaupo.

"Tama. Kahit maikli lang ang pasensya mo."

Natawa naman si Thyra.

Alas-dos ng madaling-araw ay biglang nagising si Thyra nang makaramdam siya ng pagkaihi.

Napatigil siya sa pagpunta sa CR nang may marinig siyang kumalabog.

Nanlaki ang mga mata niya at napatingin sa pintuan.

Napatakip siya sa kaniyang bibig nang magpatuloy pa rin ang ingay mula sa baba.

"Pinasok ba kami? May nakapasok bang magnanakaw?" Kinakabahang sambit niya.

"Imposible," dagdag niya pa.

Dahan-dahan siyang lumabas mula sa kaniyang kuwarto at bumaba.

Napalunok siya habang patungo siya sa kusina kung saan nanggagaling ang ingay.

Nanginginig ang kaniyang kamay na inabot ang doorknob ngunit agad niya rin iyong binawi nang marinig ang pagsigaw ni Brett mula sa loob.

Napaatras siya at napatakip sa kaniyang bibig.

"A-Ano'ng nangyayari? Sino'ng kaaway niya?"

Binuksan niya ang pintuan at bumilis ang tibok ng kaniyang puso.

Nanginginig siyang tumingin sa loob nang maiwasan niya ang lumipad na baso.