Chapter 11 "pagkikitang muli nina Luke at Zarah"

NAnginginig ang mga kamay ni Zarah habang binubuksan ang sobreng ipinaabot ni Luke kay Carmelita, ilang araw na ang nakalilipas. Akala niya ay sulat ang laman niyon ngunit nang mabuksan niya ay pera ang tumambad sa kanya. Napatda siyang napatitig doon.

Hindi lamang katumbas ng perang naitulong niya rito nang magkasakit ang nanay nito kundi tila may interes pa.

"Matagal nang nailibing ang Daddy para magbigay siya ng abuloy," mahinang sabi niya.

"Bayad daw po 'yan sa utang niya sa inyo," saad ni Carmileta.

Saglit siyang natigilan. Matagal ng hindi pumapasok sa kanila si Luke bilang hardinero. Sinabi na lang ng mommy niya na wala na raw silang hardinero kaya tiyak na papangit ang landscape ng garden nila.

Mukhang wala nang balak ang mommy niya na maghanap ng bagong hardinero. Lalo itong nagumon sa pagsusugal ng mahjong kasama ang mga kaibigan nitong mahilig rin sa mga larong sugal. Mas lalong lumala ang mommy niya magmula nang mawala ang kanyang Daddy.

"Gusto ko siyang makausap, Car