Chapter 10 "Masamang balita "

HINDI malaman ni Carmelita kung ano ang gagawin. Natataranta na ito kung paano awatin ang dalagang amo.

"Ma'am, naku po, tama na po!" Natatarantang awat ni Carmelita kay Zarah.

Kanina pa siya nagwawala sa loob ng kuwarto niya. Halos lahat ng madampot niyang bagay ay inihahagis niya. Nagkalat na ang basag na bote at salamin sa kuwarto niya.

"Sabi niya, wala pa siyang girlfriend!" masamang- masama ang loob na sigaw niya, kasabay ng pagtulo ng nga luha niya. "Sabi niya wala siyang panahong maghanap ng girlfriend. He's a liar!"

"Baka kasi ayaw ka lang niyang saktan nong una kaya siya nagsinungaling, ma'am Ara," wika ni Carmelita. "Eh, nong ayaw nyo pa ring tumigil sa kakabuntot sa kanya, siguro ay napilitan na siyang magsabi ng totoo para tumigil na kayo. Intindihin nyo na lang siya, ma'am. Hindi naman kayo bagay ni Lucas, eh. Maraming nanliligaw sa inyo na mas guwapo pa kaysa sa kanya at mayayaman pa." sabi nito. Sana ganon lang kadali yon, ang palitan sa puso niya si Luke.

"Ay