Chapter 12 "Confronting her bestfriend"

PAPASOK pa lamang si Zarah sa club na iyon ay tila gusto na niyang pumatay ng tao. Tuluy-tuloy siya sa dressing room na nasa likod ng stage. Walang sabi-sabing sinampal niya ang babaeng nakade-kuwatrong nakaupo sa harap ng dresser doon.

"Zarah!" awtomatikong nawalan ng kulay ang mukha nito pagkakita sa kanya.

"I never thought na magagawa mo to sa akin!" naniningkit ang mga matang sumbat niya rito. "You're my friend, Anne. No, you're my bestfriend! Pero anong ginawa mo?"

"Teka muna..." anito na ngumunguya ng chewing gum. Naka-tube top ito at miniskirt na may magkabilang slit, at may naglalakihang drop earrings sa mga tainga nito. "We have talked about this, right? Pumayag kang magpalagay sa loob ng kahon, remember?"

Dahil nilagyan mo ng pampatulog ang drinks na ipinainom mo sa akin!" singhal niya nang maisip na wala na siyang ibang maalala matapos ang eksenang nagsasabi siya ng problema kay Anne sa dressing room ding iyon.

Tila walang anuman dito ang nangyari. Kaswal itong na