Chapter 53-Confidence

"Everyone, meet our new intern!" Pumalakpak ang babae mula sa training room upang kunin ang atensyon ng lahat ng empleyadong naroon.

Iginala ni Stella ang tingin sa paligid ng narurang department. Karamihan ng naroon ay babae at iilan lamang ang lalaki. Tatlo silang empleyadong ipinasok ngayon at puro babae lang din.

"Welcome!" Sabay na bati ng karamihan nang naroon kina Stella.

Tinandaan ni Stella ang mukha ng mga empleyadong hindi bumati sa kanila. Bumati siya sa mga ito ngunit sinulyapan lang siya at nagpatuloy sa ginagawa sa harap ng salamin.

"Alright, na training naman na kayo bago ipinasok dito, right?" tanong ni Lexter sa tatlong intern. Siya ang assitant team leader doon.

"Yes, sir, don't worry po at pinsan ako ng manager dito."

Pinigilan ni Stella na tumaas ang kilay nang marinig ang sagot ng kasabayan niyang si Lorna. Kanina pa nito ipinagyayabang sa kanila na pinsan ito ng manager doon. Hindi niya alam kung bakit nakapasok ito roon gayong nasa rules ng kompanya ay bawal an