Chapter 55-Kagulohan

Lalong nagalit si Stella nang makitang hindi lumalaban ang dalawang babae sa ginawa ni Laura sa mga ito. Hindi niya matulungan ang mga ito dahil nahawakan na siya ng dalawang lalaki sa magkabilang kamay.

Saka lang tinigilan ni Laura ang dalawa nang mapagod. Ayaw niyang ubusin ang lakas sa dalawa at kailangan ilaan sa babaing naglakas loob na saktan siya. Nakangising inayos niya ang nagulong buhok bago marahang lumapit kay Stella. Kahit magpumiglas ito ay hindi makawala dahil hawak ng dalawang lalaki.

"F*cker, kung ilang sampal ang ginawa mo sa dalawang iyan ay ibabalil ko sa iyo mamaya!" angil ni Stella kay Laura.

Tumawa si Laura, kasama ang iba pa at pinagtatawanan ang pagtapang-tapangan ni Stella.

"Laura, baka masaktan ng husto ang mga palad mo kapag ginamit mo sa babaing iyan. Hayaan mong ako ang gumanti para sa iyo sa baliw na iyan!" Presinta ni Lorna.

Sinuri ni Laura ang palad at pumilantik ang mga daliri. Namula na nga ang palad niya at tig limang sampal din yata ang naibigay ni