Kabanata 92

Alina’s POV

Pumunta ako sa kusina pagkatapos kong mag-training. Nauhaw ako kaya kinailangan ko ng tubig. Pagdating doon, nadatnan kong naghahanda ng pagkain si mama. Nilapitan ko siya habang lumalagok ng tubig sa bagong hawak ko. Napakunot ang noo ko nang makita kong ulam pa kagabi ‘yung nire-ready niya sa isang mangkok.

“M-mama, panis na ‘yan ah? Bakit kakainin niyo pa? Kahapon pa natin ulam ‘yan,” sita ko sa kaniya kasi baka sumakit ang tiyan niya.

Ngumiti siya nang harapin ako. Inagaw niya ulit sa kamay ko ‘yung mangkok na may lamang panis na ulam.

“Ano ka ba, hindi naman sa akin ‘yan. Dadalhin ko ‘yan kay Emma. Sa kaniya ko ipapaulam ‘yan,” sagot niya saka binalik sa tray ang mangkok na ‘yon. “Dati, sa sobrang gutom ko habang nakakulong ako. Kahit alam kong panis na ‘yung ulam, kinakain ko pa rin kasi nanghihina na talaga ako sa gutom. Ngayong bumaliktad na ang mundo naming dalawa, ipaparanas ko naman sa kaniya ang naranasan ko sa mahabang panahon.”

Gusto ko sana siyang pigilan pe