Kabanata 88

Alina’s POV

Pagka-send sa akin ng video ni Camilla, pinanuod ko agad ang ginawa niya kay Camilla. Tuwang-tuwa ako habang pinagsasasampal niya ang sarili niyang anak. Iyak nang iyak si Emma habang galit na galit sa kaniya ang mama niya.

“Malandi ka, nagbuntis ka pala sa kung sino-sino!”

“Anong nabuntis. Hindi ako nagpapabuntis, mama!”

“Sinungaling ka! Makakatikim ka talaga sa akin!”

Tinadyakan pa niya si Emma habang nakahandusay sa sahig. Paano niya nagagawa ito sa sarili niyang anak. Kaawa-awa ang sinapit ni Emma. Mahal na mahal niya si Thomas pero pagdating sa babaeng anak niya, halos parang gusto na niya itong patayin.

“Tignan mo, Thomas ang ginawa ng mama mo kay Emma. Ang saya nilang panuorin ‘no?”

Napangiwi si Thomas. Maluha-luha siya habang pinapanuod ang tangang mag-ina.

“Ngayon, ako naman ang naglalaro sa pamilya. Umpisa palang ‘to, Thomas,” sabi ko sa kaniya.

“Hayop ka!”

“Mas hayop kayong pamilya,” sagot ko saka ko ulit tinabig ang tinapay at juice na merienda dapat niya. “Mag