Kabanata 209

Caline’s POV

Nakahanda na ako sa gitna ng garden namin. Ang katahimikan ng paligid ay tila nagbigay ng kakaibang bigat sa bawat segundo. Wala si Akeno kasi day off niya, si Cass naman, nasa gilid at tahimik na nag-aabang sa magiging training ko.

Napalunok ako ng hangin at pilit na pinapalakas ang loob ko, pero hindi ko mapigilang kabahan.

Si Papa Corvus ay nakatayo na rin sa harap ko, mabigat ang tingin at halatang seryoso. Ito ang unang araw ng training ko, at wala akong ideya kung ano ang mangyayari. Sinimulan na niya akong turuan ng mga basic defense, ngunit parang sa bawat galaw ko ay nagkakamali ako.

“Keep your stance low, Caline. You’re too open,” malamig niyang sabi.

Wala pang isang oras kaming nagte-training, pero parang ang hirap para sa akin. Siguro ay dahil sanay akong nakahilata lang sa kuwarto ko, sanay lang na palaging naka-relax.

“Kaya mo ‘yan, Caline,” pangchi-cheer pa sa akin ni Cass. Ngumiti ako nang hindi tumitingin sa kaniya kasi baka mahalita ako ni papa. Hanggang