Kabanata 212

Caline’s POV

Pagdating ko sa bahay-kubo ni Akeno, nadatnan kong nakaupo siya sa harap ng bahay niya, nakatulala at parang malalim ang iniisip. Nang makita niyang huminto ang sasakyan ko, doon lang siya napatingin sa akin.

Tumayo siya at sinalubong ako. “Oh, anong ginagawa mo rito, Miss Caline?” tanong niya agad at saka siya tumingin sa bitbit kong merienda namin.

“Tara, samahan mo akong mag-merienda,” aya ko sa kaniya. Ginawa ko lang dahilan din talaga itong merienda, pero iba ang pakay ko.

“Aba, tamang-tama, nag-iisip din talaga ako nang me-meriendahin ko kaya tulala ako kanina,” nakangiti niyang sabi.

Pagpasok namin sa loob ng bahay niya, binaba niya agad sa lamesa ang mga ihaw-ihaw at buko juice. Kumuha siya ng plato at saka niya hinandan ang dala ko. Habang inaasikaso niya ‘yon, nakatitig lang ako sa kaniya.

Tama, sobrang okay naman talaga ni Akeno. Guwapo, maganda ang katawan, mabait at sobrang sipag. Wala akong nakikitang dahilan para mahiya akong patulan siya. Wala akong nakik