Kabanata 15

Corvus’ POV

Pag-alis ni Miss Helena, tinawagan ko na agad si Geronimo, para papuntahin na rito sa bahay ko. Ilang beses ko na siyang tinatawagan, pero ayaw niyang sumagot. Mukhang tuluyan na siyang nagalit sa akin. Ang bilis niya talagang magtampo kung minsan. Pero hindi bale, mabilis lang din naman kaming magkabati. Kilalang-kilala ko na siya.

“Corvus,” dinig kong tawag sa akin ni Alina. Napangiti ako nang marinig ko na ang boses niya.

“Sayang, hindi pa kayo nagkaabot ni Helena. Kakaalis niya lang,” sabi ko sa kaniya.

“Talaga? Sayang pala. But, what did she come here for? I’m sure it’s important, because she wouldn’t have come here if what she said wasn’t important, right?” tanong niya. Pakiramdam ko nasa harap ko lang si Miss Alina. Ang lamig kasi, e.

“Sinabi niya na hinahanap niya raw ang katawan mo sa mga ospital. Pakiramdam daw kasi niya ay tinatago ni Nacho o ng pamilya mo ang katawan mo. Wala pa raw kasing nangyayaring paglalamay sa katawan mo, hanggang ngayon tahimik pa ri