Kabanata 21

Alina's POV

Nandito ako sa kuwarto ni Nacho. This time, wala na siya sa penthouse ko. Nandito naman siya sa mansiyon nila. Pinagmamasdan ko siya habang mahimbing na mahimbing ang pagkakatulog.

Nakakainggit siya kasi halatang wala siyang pino-problema. Tama si Corvus, hindi ko manlang nakikita sa kaniya ang pagkakaroon ng pake sa akin. Kahit pagluluksa, wala.

Kanina, habang nagdi-dinner silang buong pamilya, inggit na inggit ako. Kasi sila, buo pa. Kasama pa ni Nacho ang buong pamilya niya. Mama, papa at ang dalawa niyang kapatid na lalaki. Dati, ang tingin ko sa kanila, ang babait. 'Yung tipong kapag gagala kami dito ni Nacho, hindi nawawala ang mga ngiti nila sa labi. Hindi rin nawawala ang pag-aasikaso nila sa akin. Hindi nila pinaparamdam na hindi ako iba sa kanila. ‘Yung tipong pamilya talaga ang turing nila sa akin. Pero ngayong patay na ako, kahit topic tungkol sa akin, wala akong naririnig. Kahit pagkalungkot o pagluluksa, wala akong nakikita sa mga mukha nila. Para bang wala l