Kabanata 10

Corvus’ POV

Gamit ang perang binigay ni Alina, naghanap agad ako ng bahay at lupa na kaya kong bilhin. Sa ngayon, ‘yung sakto lang muna. Hindi na muna ako maghahangad ng malaking bahay, saka na iyon kapag nagawa ko na ang lahat-lahat ng utos ni Miss Alina. Kailangan ko na rin kasing umalis sa condo niya kasi may nakitang papel si Nacho sa room nila ni Miss Alina. Nakita nito ang mga papel na pagbili niya sa condo na iyon. Kaya anumang araw o oras ay puwedeng pumunta na roon si Nacho. Hindi naman maganda na madatnan niya ako roon, baka kung ano pa ang isipin niya.

Dito sa Girth street, malapit sa apartment ni Aling Paleng, nakabili ako ng lumang bahay at lupa. Bahay na walang itaas. Sabi ni Miss Alina, bungalow daw ang tawag sa ganito. Naliliitan siya, pero para sa akin na nasanay sa isang maliit na apartment lang, nalalakihan na ako sa ganito. Itong bahay kasi na ‘to ay may terrace sa labas na puwedeng lagyan ng garden, sa loob may sala, may dalawang kuwarto, may kusina, may bodega at