Kabanata 12

Corvus’ POV

Nasaan ako? B-bakit nakarating ako dito sa itaas ng tuktok ng building na ‘to? Saan ito?

Tumingin ako sa buong paligid. Madalim na, pero ang pinatataka ko ay walang ka-tao-tao dito. Saka, ang ganda dito, halatang nasa isang mamahaling hotel ako. Dumulo ako dito sa veranda, mas lalo akong napangiti kasi ang gandang pagmasdan ng ibaba.

Pero, bakit ganito? Para bang nasa isang ghost city ako. Kahit isang sasakyan o kahit isang ingay ay wala. Pero, teka, parang Pyra city ata ‘to. Kilala ko ang itsura ng ibaba, e.

“Sa wakas, nagawa ko ring makapasok sa panaginip mo.”

Napalingon ako sa likuran ko nang makilala ko ang boses ni Miss Alina. Pagtingin ko sa kaniya, sabay napataas ang dalawang kilay. Napabuka rin ng sobra ang bibig ko dahil sa gulat. Ang kaluluwang sweet ang boses na naririnig ko ay ganito pala kaganda ang itsura ko. Totoo ngang siya ‘yung nasa balita. Totoo ngang siya si Miss Alina Lovia. Itong-ito kasi ang itsura niya sa diyaryo nung isang araw.

“Nakikita mo