Kabanata 783

Kinuskos ni Shaun ang kanyang sintido. “Bakit ako nandito?”

Ang alam niya’y kasama niya sina Suzie at Catherine habang kumakain sa isang McDonald’s sa amusement park.

“Mga ilang araw kang walang pahinga, at nawalan ka ng malay dahil sa brain nerve dysfunction. Si Catherine ang nagdala sa’yo rito.” Pagilid siyang sinulyapan ni Chester. “Kaysa himatayin ka ulit, marahil ay mas mainam nang matulog ka ulit dahil pagod ka masyado. Tingin mo ba’y yari ka sa bakal?”

Tahimik na kinunot ni Shaun ang kanyang mga kilay.

“Nagugutom ka ba? Tatawagan ko si Hadley—”

“Naalala kong sinabi mong kumain kami ni Catherine sa isang KDC noon,” Biglang putol ni Shaun kay Chester.

“Oo, bakit mo nga pala nabanggit?”

“May nakasama na ba akong ibang babae noon?” Tanong ni Shaun.

“At papaano ko naman iyon malalaman?” Hindi makapaniwala si Chester sa sinasabi ng lalaki. “Hindi ata. Bakit?”

“Wala lang.”

Bagama’t iyon ang sinabi ni Shaun, agad niyang bumangon. Inalis niya ang kanyang kumot at nagpalit ng da